بزانە راموس د مێژویا خوە دا چەند سەرکەفتن ل گەل ریال مەدرید تومارکرینە
ئەڤرۆ نیوز:
کابتنێ ھەلبژارتیێ ئیسپانیا و یانا ریال مەدرید سێرجیو راموس ب سەرکەفتنا دوھێ یا یانا ریال مەدرید ل سەر یانا رایوڤالیکانو شیا بیتە یاریزانێ پێنچێ د مێژویا یانێ بوو رێژەیا سەرکەفتنا ل گەل وێ یانێ دخۆلا ئیسپانیا دا کو ب سەرکەفتنا دوھی یا ریال مەدرید د گەرا ١٦ ژ خۆلا لالیگا یاریزانێ ناڤبری شیا ھژمارا سەرکەفتنێن خوە ب گەھینتە ٢٧٥ یاریا ژ سەرجەمێ ٤٠٧ یاریان.
راموس ئەوێ ل وەرزێ ٢٠٠٥-٢٠٠٦ ھەڤبەستا یانا ریال مەدرید ئیمزاکری و ھەتا نوکە ل گەل وێ یانێ یێ بەردەوام شیا چار جاران ناسناڤێ خۆلا ئیسپانیا ب دەستخوڤە بینت کو دبیتە یاریزانێ پێنچێ د مێژویا یانێ دا پشتی ھەر ئێک ژ یاریزانان خینتو ئەوێ ٢٨٣ سەرکەفتن ل گەل ریال ھەین و سانشێز ٣١٢ و رەئول ٣٢٧ و کاسیاس ئەوێ ل رێزا ئێکێ دھێت ٣٣٤ .
ھەژی گوتنێ یە سێرجیو راموس پشکداری ٥٨٦ یاریان دا ل گەل یانا ریال مەدرید کریە د سەرجەمێ ھەموو قارەمانیێن یانێ پشکداری تێدا کری و ل گەل وێ یانێ شیایە ٣٨٤ یاریان شیا سەرکەفتنێ توماربکەت و ٧٨ گول ب درێسێ وێ یانێ ھەنە ، ھەردیسان د ماوێ ١٣ سالێن بوری ل گەل یانا مەلەکی شیا ١٩ ناسناڤان ب دەستخوڤە توماربکەت ئەوژی چار ناسناڤێن خۆلا ئیسپانیا ل گەل دو ناسناڤێن کاسا شاھێ ئیسپانیا و سێ کاسێن سوپەرا ئیسپانیا و ھەردیسان چار ناسناڤێن چامپیونیز لیگا ئورۆپا و سێ کاسێن سوپەرا ئورۆپا ھەردیسان ھەمان رێژەیا برن موندیالێن یانێن جیھانێ