بزانە راھێنەرێن ھەردو یانێن ئەجاکس و ریال بوو یاریا ئەڤ شەڤە چ گوت
ئەڤرۆ نیوز:
چاڤەرێ دھێتەکرن ئەڤ شەڤە یانا ئەجاکس ئەمستردام یا ھولەندی ل یاریگەھا خوە مێڤانداریا یانا ریال مەدرید بکەت ژ چارچوڤێ یاریێن ئێکێ ژ قوناغا ١٦ ژ قارەمانیا چامپیونیز لیگا ئورۆپا .
بەری ڤێ یاریێ راھێنەرێن ھەردو یانا بۆ دەزگەھێن راگەھاندنێ بەحس ل سەر رەوشا یاریا ئەڤ شەڤە کر کو راھێنەرێ یانا ئەجاکس ئەمستردام تین ھاگ دیارکر نوکە تیما ئەوان د رەوشەکا باش دا نینە کو ل سێ دووماھیی یاری دا دو جاران دخۆلا نافخوی دا خوسارەت بووی یە لێ ئەڤە تەپا پێ یە خوسارەتی و سەرکەفتن ھەر دێ ھەبن و ل سەر ئەوان پێدڤی یە ئەوا بوری ژبیر بکەن و بتنێ ھزر ل یاریا ئەڤ شەڤە بکەن ھەر چەندە ئەو باش زانن ئەو دێ ھەمبەری ئێک ژ باشترین یانێن جیھانێ کەن لێ ئەو خوە ژی رادەستی چ یانێن بەرامبەر خوە ناکەن ژبەرکو تیما ئەوان ژی خودانا مێژویەکا مەزن و دێ ھەموو بزاڤا کەین ب ئەنجامەکێ دلخوشکەر ژ یاریێ دەرکەڤن.
ژلایەکێ دیڤە راھێنەرێ ریال مەدرید سولاری دیارکر ئەو دێ ب ھەموو ھێزا خوە بەرامبەر ئەجاکس یاری کەن ژبەرکو ئەو تیم ژ تیمێن خودان شیان راستە نوکە رەوشا ئەوان نە ل ئاستێ پێدڤی نە لێ ئەڤێ یانێ شارەزایەکا باش ھەیە و پێدڤی یە ب رێزەکا مەزن ل تیمێن وەکو وێ بگرین ژبەرکو مێژویا ئەوان تێرا وێ چەندێ ھەیە خوە ل بەرامبەر ھەر یانەکێ بگریت .
زێدەتر سولاری دیارکر ئەوی ل وەرزێ ئەڤ سالە دیڤچوونا چەند یاریێن وێ یانێ کریە و ئاستێ ئەوان یێ ھونەری گەلەک یێ باشە ھەردیسان ناڤبری ئاشکرا کرژی ئەو بتنێ بوو سەرکەفتن چویە یاریگەھا ئەجاکس ژبەرکو دخوازن بەردەوامی ب دەنە کاروانێ خوە بوو ھەڤرکیا ناسناڤێ چارێ ل دیڤ ئێک
