بزانە راھێنەرێ بەرشەلۆنا پشتی خوسارەتیێ چ گوت
ئەڤرۆ نیوز:
یانا بەرشەلۆنا نەشیا بوو جارا ٣١ ناسناڤێ کاسا شاھێ ئیسپانیا ب دەستخوڤە بینت پشتی د یاریا دووماھیا قارەمانیێ دا توشی خوسارەتیێ بووی ل گەل یانا ڤالنسیا ب دو گولان بەرامبەر گولەکێ پشتی یاری ب دووماھیی ھاتی راھێنەرێ یانا بەرشەلۆنا ڤالڤێردی بۆ دەزگەھێن راگەھاندنێ دیارکر ئەو شیابوون کنترولا ل سەر یاریێ بکەن لێ ھێرشێن یانا ڤالنسیا مەترسی بوون و کارگێربوون ھەردیسان شیان بخوە مفای ژ ھێرشێن خوە بینن تایبەت ل گولا دوێ .
ناڤبری ئاماژە ب وێ چەندێ ژی کر بەری ب دووماھیی ھاتنا خۆلا ئیسپانیا ب ھەیڤەکێ ئەوان ناسناڤ مسوگەر کربوو ھەردیسان ئەو نێزیکی برنا سێ ناسناڤان بوون ل وەرزێ ئەڤ سالە و پێشبینیەکا مەزن ھاتەکرن ئەو دێ شێن وێ چەندێ بکەن لێ ئەوان نەشیان و ئەڤە تەپا پێ یە دڤێت خوە ب ھیڤی نەکەن بوو وەرزێ بھێت باشتر ھەڤرکیێ ل سەر ناسناڤێن نافخوی و ئورۆپی بکەن.
ڤالڤێردی ئەو چەندە ژی دیارکر کرنا یاریێ بەرامبەر یانەکا وەکو ڤالنسیا نە یا ب سانەھی یە کو ئەوان ل وەرزێ ئەڤ سالە دو جاران یاری ل گەل کر نەشیان سەرکەفتنێ ل سەر توماربکەن و دبینت تیمەکا ب ھێزە و یاریزانێن گەلەک باش ھەنە تایبەت ل وەرزێ ئەڤ سالە پێکھاتیەکێ نمونە ھەیە.
ل دووماھیێ ناڤبری سەبارەت مانا خوە دیارکر ئەوی ھێزە وێ چەندێ ھەیە بشێت بەردەوامی ب دەتە کاروانێ خوە ل گەل بەرشەلۆنا و راستە ئەوی دو ناسناڤ ژ دەستدان ل وەرزێ ئەڤ سالە لێ ئەو شیان د ئەرکەکێ مەزنتر دا ب سەرکەڤن ئەوژی خولا لالیگا .
