بزانە راھێنەرێ لیون بوو یاریا بەرامبەر بەرشەلۆنا چ گوت
ئەڤرۆ نیوز:
چاڤەرێ دھێتەکرن ئەڤ شەڤە ل دەمژمێر ١١ یاریێن دوێ ژ قوناغا ١٦ ژ قارەمانیا چامپیونیز لیگ ب دو یاریان بھێنەکرن کو ل یاریگەھا خوە یانا بەرشەلۆنا دێ مێڤانداریا لیون کەت پشتی ھەردو یانە ل یاریا ئێکێ بێ گول وەکھەڤبووین .
برونو جینیسو راھێنەرێ یانا لیون د گونگرێ رۆژنامەڤانی بەری یاریێ دیارکر د شیانێن ئەوان دا ھەنە ئەو بشێن دەستکەفتیەکێ ل یاریا ئەڤ شەڤە توماربکەن لێ پێدڤی یە ئەو ب ھشیاری یاریێ بکەن ژبەرکو ئەو دێ یاریێ بەرامبەر ئێک ژ یانێن ھەرە مەزن کەن و ژبیر نەکەین وێ یانێ یاریزانەکێ خودان شیان و ئێک ژ باشترین یاریزانێن جیھانێ ھەیە ئەوژی میسی کو د ھەر خولەکەکێ دا دشێت مەترسیێ ل سەر گولا ھەڤرکا خوە توماربکەت لەورا دەستپێکێ ل سەر ئەوان پێدڤی یە خوە ژ مەترسیا وی یاریزانی قورتال بکەن و پاش ھزر ل تیمێ ب گشتی بکەن ژبەرکو دبینت ھەکە میسی لڤین کرن دێ بەرشەلۆنا ب گشتی یا باش بیت ھەکە ئەوان رێک بەرامبەر میسی گرت دێ رێک بەرامبەر بەرشەلۆنا ب زەحمەت کەڤیت.
زێدەتر ناڤبری دیارکر ژی راستە زوربەیا پێشبینیا وەسا دیاردکەن بوو دەلیڤەیا لیون یا ب زەحمەتە و ٣٠% دەلیڤە ئەوان ھەیە بوو دەربازبوونێ لێ ل یاریا تەپا پێ چ ب زەحمەت نینە و ھەکە ئەو باش و یاریەکا رێک و پێک بکەن ئەو دێ شێن وێ چەندێ کەن یا مانچێستەر یوناید بەرامبەر پاریس و ئەیاکس بەرامبەر ریال کری دوبارە کەن .
ل دووماھیێ دیارکر ژی ھەبوونا گولکەرەکێ وەکو نەبیل فەقیر دڤێ یاریێ دا دێ ھێزەکا مەزنتر دەتە یانا ئەوان ژبەرکو دڤێ یاریێ دا ئەو دێ پێدڤی ب تومارکرنا گولان بەن.
ھەژی گوتنێ یە بەرشەلۆنا ل یاریا ئێکێ ل گەل لیون بێ گول وەکھەڤبوو دڤێ یاریێ دا ھەر وەکھەڤیەکا د یاریێ دا ژبلی ئەنجامێ بێ گول لیون دێ دەربازبیت ل سەر کیستێ بەرشەلۆنا.
