بزانە زێدان بوو یاریا ئەڤ شەڤە چ گوت
ئەڤرۆ نیوز:
چاڤەرێ دھێتەکرن ئەڤ شەڤە یانا ریال مەدرید بیتە مێڤانا یانا ڤالنسیا ژ چارچوڤێ یاریێن گەرا ٣٠ ژ خۆلا لالیگا ئیسپانیا یا تەپا پێ کو راھێنەرێ یانا ریال زێدان د گونگرێ رۆژنامەڤانی یێ بەری ڤێ یاری بەحس ل یاریا ئەڤ شەڤەکر .
دەستپێکێ زێدان دیارکر یاریا ئەڤ شەڤە یا بەرامبەر ڤالنسیا چیاوازیا خوە ھەیە ل گەل یاریا ھویسکا کو دڤێ یاریێ دا دێ گوھورین مەزن ھەبن ژ یاریا بوری دێ یاریەکا ب ھێز بیت و ھەموو ستێر حەز دکەن پشکداریێ دڤێ یاریێ دا بکەن ژبەرکو ئەو دێ یاری بەرامبەر یانەکا مەزن ل سەر ئاستێ ئورۆپا و ئیسپانیا کەن و ئارمانجا ئەوان بوو یاریێ سەرکەفتنە و رێزبەندیا خوە باشتر لێ بکەن د لیستا خولێ دا .
سەبارەت پشکداریا کورێ وی ل یاریا بوری ناڤبری دیارکر ئەو سەرەدەریێ ل گەل کورێ خوە دکەت وەکو ھەر یاریزانەکێ دی ل یانا ریال مەدرید و کورێ وی ژیێ وی ٢٠ سال و خودان کەساتیەکا باشە و ئەو گوھداریا گوت گوتکێن رۆژنامەڤانی ناکەت ئەو دێ بریارێ ب کرنا ھەر یاریزانەکی دەت ھەکە ئەو نە کورێ وی بیت چ یاریزان بیت ئەو دێ بریارێ ل سەر کرنا وی کەت ھەردیسان سەبارەت ڤاران زێدان دیارکر ئەو ریال مەدرید بێ ڤاران نابینت و ئەو یاریزانەکێ گرنگە و ڤاران ژ ئەوان یاریزانێن وی یێن گرنگە و پشت بەستنێ ل سەر دکەت ھەردەم لێ ئەوا دھێتە بەلاڤەکرن بتنێ دەنگوباسێن رۆژنامەڤانی نینە و ڤاران ل گەل یانا خوە یێ ئارامە چ راستی بوو ئەوان دەتگوباسان نینە ئەوێن دھێنە گوتن کو پێکھاتیێ یانێ دێ ب جە ھێلت.
راھێنەرێ یانا ریال مەدرید ئاماژە ب وێ چەندێ ژی کر گەلەک دەنگوباس دھێنە بەلاڤەکرن ژلایێ رۆژنامەڤانان چ راستی بوو نینە کو ئەو دێ یێ راست گوبیت ل گەل یاریزانان راستە ئەو دێ گوھورینا ل ناڤا پێکھاتیێ یانێ کەت لێ نە ب وی رەنگی ئەوێن دھێنە بەلاڤەکرن ھەکە ئەو دەست بەردانا یاریزانەکی بیت یان پشت بەستنێ ل سەر نەکەت بوو وەرزێ بھێت ئەو دێ یێ راستگوبیت ل گەل ئەوی یاریزانی لێ نوکە دەم مایە و ھەتا ھاڤینا بھێت ئەو نزانن کا چ رویدەت لێ ئەوی ب فەرمی ئەوی داخوازی ژ کارگێریا یانێ کریە ھەڤبەست ل گەل ھێرشبەرەکێ نوو ئیمزا بکەن ژبەرکو ئەوان وەکو خالا دەستپێکێ پێدڤی ب ھێرشبەرەکێ خودان شیان ستێر ھەیە راستە ئەوی نوکە یاریزانێن ستێر ھەنە لێ ھەکە ئەو بخوازن جارەکا دی ڤەگەرنە ھەڤرکیا قارەمانیا ب ھێز پێدڤی یە ل پێشیا تیمێ ھێلەکا ب ھێز ھەبیت.
