بزانە ستێرێن ھەلبژارتیێ بەرازیل بۆ یاریا ئەڤ شەڤە چ گوت
بەرھەڤکرن،ھەژار مەعروف:
چاڤەرێ دھێتەکرن ئەڤ شەڤە ل دەمژمێر ١١:٠٠ ل دیڤ دەمێ کوردستانێ یاریا دووماھیا قارەمانیا کوپا ئەمریکا بھێتەکرن دناڤبەرا ھەردو ھەلبژارتیێن بەرازیل مێڤاندارا قارەمانیێ و ھەلبژارتیێ پیرو.
ھەلبژارتیێ بەرازیل ئەڤە دێ بیتە جارا دوێ د ڤێ قارەمانیێ دا ھەمبەری پیرو دبیت پشتی د یاریێن کوما دا شیای سەرکەفتنەکا مەزن ل سەر وی ھەلبژارتی توماربکەت ب پێنچ گولان بێ بەرامبەر و بۆ ڤێ یاریێ چەندین داخویانی ژلایێ یاریزان و ستێرێن بەرازیلی ڤە ھاتینە دیارکرن و ھوشداری دایە ھەلبژارتییچ خوە بۆ ڤێ یاریێ.
یاریزانێ ھەلبژارتیێ بەرازیل و یانا یوڤانتوس ئەلیکس ساندرو بۆ دەزگەھێن راگەھاندنا بەرازیلی دیارکر گەھشتن بۆ یاریا دووماھیا کوپا ئەمریکا نە یا ب سانەھی یە لەورا ئەو دبینت ئاستێ پیرو گەلەک بەر ب باشی ڤە چوویە پشتی خوسارەتیا ئەوان ل گەل ھەلبژارتیێ بەرازیل یا یاریا کومان لەورا پێدڤی یە ئەو ب ھشیاری یاریێ بکەن.
ھەردیسان ناڤبری تەکید ل وێ چەندێ ژی کر ئەو دبینت ھەردو ھەلبژارتی بەربژارن بۆ برنا ناسناڤێ کوپا ئەمریکا ژبەرکو ئەو ھەلبژارتیێ ب گەھیتە یاریا دووماھیی دھێتە ھژمارتن بەربژار و ژ ڤالاتی ئەو نە گەھشتی یە وێ قوناغێ.
ژلایەکێ دیڤە ستێرا ھێلا ناڤین ریال مەدرید و ھەلبژارتیێ بەرازیل کاسیمێرو دیارکر ل سەر ئەوان پێدڤی یە ئەو یاریا ئێکێ یا ل گەل پیرو ژی بیربکەن و ھزر بتنێ ل یاریا نوکە بکەن ژبەرکو پیرویا ڤێ جارێ دێ گەلەک یا چیاواز بیت ژ یاریا بوری یا ب سەرکەفتنا بەرازیل ٥ گولان بێ بەرامبەر لەورا دبینت دێ ئاستێ وێ گەلەک ھێتەگوھورین و ئەوان رێزگرتنەکا مەزن بۆ وی ھەلبژارتی ھەیە کو پیرو خودانا چەندین یاریزانێن خودان شیان و ھەردیسان راھێنەرەکێ بەرنیاس ژی سەرپەرشتیا ئەوان دکەت.
ھەردیسان وی یاریزانێ ریال مەدرید دیارکر ژی ژ بیر نەکەین ھەلبژارتیێ پیرو ل سەر کیستێ ھەلبژارتیێ شیلی گەھشتی یە یاریا دووماھیا قارەمانیێ کو ھەلگرا ھەردو قارەمانیێن بوری بوو ھەردیسان ئەڤ سالە ژی ئێک ژ بەربژارێن ھەرە ب ھێز بوو لەورا پێدڤی یە ئەو ب ھوشداریەکا مەزن ل گەل وی ھەلبژارتی یاریێ بکەن و مێژو یاریێن بوری ھەموویان ژ بیر بکەین بتنێ تەکید ل یاریا ئەڤ شەڤە بکەین.
ستێرا بەرێ یا ھەلبژارتیێ بەرازیل کاڤو ژی ئاماژە ب وێ چەندێ کر پێدڤی یە بەرازیل ب ھشیاری یاریێ بکەن ژبەرکو پیرو خالەکا گەلەک سەرکەفتی ل دەڤ ھەلبژارتیێ ئەوان ھەیە ئەوژی خودانا ھژمارەکا یاریزانێن خودان شیان و بلەزن ل ھێلا پێشیا کرنا یاریێ دشێن بەرامبەر ب ھێزترین بەرەڤان ل سەر ئاستێ جیھانێ یاریێ بکەن لەورا ل سەر ھەلبژارتیێ بەرازیل پێدڤی یە ب ھشیاری یاریێ بکەن و بەرەڤانیەکا توند ل گەل بکەن.
ھەردیسان وی ستێرا بەرێ یا بەرازیل ئاماژە ب وێ چەندێ ژی کر دبینت دەلیڤەیا ھەلبژارتیێ وەلاتێ وی گەلەک باشترە بوو برنا ڤێ قارەمانیێ لێ ھەر چەوا بیت د تەپا پێ دا سوپرایز ھەنە ژبەرکو پیرو شیا مەزنترین سپرایز د قارەمانیێ دا توماربکەت دەمێ شیای سەرکەفتنێ ل سەر ھەلگرا ھەردو قارەمانیێن بوری توماربکەت ب سێ گولان بێ بەرامبەر کو ئەنجامەکێ نە چاڤەرێکری بوو .
