بزانە سوباھی دالکورد دێ یاریێ ھەمبەری کیژ یانێ کەت
ئەڤرۆ، ھەژار مەعروف:
چاڤەرێ دھێتەکرن سوباھی ل دەمژمێر چار ل دیڤ دەمێ کوردستانێ یانا دالکورد نوونەرا کوردان دخولا پلا ئێک یا سوید دا یاریا خوە یا گەرا دوازدێ ژ خولێ ژ دەرڤەی یاریگەھا خوە یاریێ بەرامبەر یانا سریانسکا بکەت کو دڤێ یاریێ دا یانا کوردی دێ ھەمی بزاڤێ کەت و بەردەوامی ب دەتە ھەڤرکیێن پلیتێن دەربازبوونێ بۆ پلا نایاب.
د یاریا سوباھی دا ئەرکێ یانا دالکورد یێ ب زحمەت نابیت ژبەرکو ھەڤرکا وێ ل وەرزێ ئەڤ سالە د رەوشەکا لاواز دا بوریت ل یازدە یاریێن بوری بتنێ دو سەرکەفتن تومارکری نە و نەە خال کومکری نە بەرامبەر یانا دالکورد نوکە ل رێزا چارێ دھێت ب ١٩ خالان و سەرکەفتنا وێ یا ئەڤرۆ دێ پێشڤە بیتە رێزەکا باشتر .
دەستەیا راھێنەریا یانا دالکورد ل سەر مالپەرێ یانێ یێ تایبەت دیارکری یە چو کێماسی د پێکھاتیێ ئەوان دا نینە بتنێ ئەگەر ھێرشبەرێ وی عیماد ئیتایە نەبیت ئەوێ ل ماوێ بوری توشی ھنگافتنێ بووی و ھەتا دووماھیا ڤی وەرزی نەشێت یاریێ بکەت لێ ھەمی یاریزانێن دی بەرھەڤن و ئارمانجا ئەوان یا سەرەکی سێ خالێن یاریێ نە و بەردەوامی ب دەنە ھەڤرکیا دەربازبوونێ بۆ خولا پلا نایاب.
