بزانە پشتی سەرکەفتنێ راھێنەرێ بەرشەلۆنا چ گوت
ئەڤرۆ نیوز:
پشتی ل ئێکێ ژ قوناغا ھەشتێ ژ قارەمانیا چامپیونیز لیگ یانا بەرشەلۆنا شیای سەرکەفتنەکا گرنگ ژ دەرڤەی یاریگەھا خوە ل سەر ھەڤرکا خوە یانا مانچێستەر یوناید تومارکری ب گولەکێ بێ بەرامبەر راھێنەرێ وێ یانێ پشکداری د گونگرێ رۆژنامەڤانی دا کر و بەحس ل وێ یاریێ کر .
ڤالڤێردی راھێنەرێ بەرشەلۆنا دەستپێکێ دیارکر سەرکەفتن ل سەر یانەکا وەکو مانچێستەر یوناید ژ دەرڤەی یاریگەھا خوە کارەکێ ب زەحمەتە ژبەرکو ئەوان یاری بەرامبەر یانەکا گەلەک ب ھێز دناڤ ئەرد و جەماوەرێ ئەوان کر و دبینت سەرکەفتنا ئەڤ شەڤە بو ئەوان گەلەک یا گرنگ بوو دێ بیتە پالدەرەکێ باشتر ل یاریا کامپ نوو ب شێوەکێ باشتر یاریێ بکەن ھەر چەندە یانا بەرامبەر د گەلەک دەمێن یاریێ دا قشارەکا مەزن ئێخست بوو سەر گولا ئەوان لێ ئەڤە نورمالە ژبەرکو ئەوان بەرامبەر یانەکا ب ھێز کر لێ د ڤان جورە یاریان دا ل دووماھیێ ئەنجام یێ گرنگە و ئەو ل دووماھیێ شیان ئەنجامێ یاریێ د بەرژوەندیا خوە دا ب دووماھیی بینن و ئەو ژ ئاستێ یاریزانێن خوە یێ رازی یە.
زێدەتر راھێنەرێ بەرشەلۆنا دیارکر ھێشتا ئەنجام ئێکلا نەبوویە لەورا پێدڤی یە ئەو بوو یاریا دوێ ب باشتر خوە دیاربکەن ژبەرکو ل یاریا ئێکێ ھندەک جاران ئەو توشی شاشیان بوو ئەوژی ژبەر ئەو فشارا مەزن یا تیما بەرامبەر پشتی گولێ ئێخستی یە سەر گولا ئەوان لێ بوو یاریا دوێ ئەو دێ ب شێوەکێ باشتر یاریێ کەن .
ل دووماھیێ ناڤبری دیارکر بوو یاریا بھێت ژ خۆلا ئیسپانیا بەرامبەر ھویسکا دێ بێنڤەدانێ دەتە چەند یاریزانان ژبەرکو چەند یاریزانێن ئەوی پێدڤی بێنڤەدانێ نە دا بوو یاریا بھێت ژ قارەمانیا چامپیونیز لیگ باشتر د بەرھەڤن ژبەرکو یاریا دوێ بەرامبەر مانچێستەر ئەو دبینت دێ یاریەکا ب ھێز و زەحمەت بیت .
