بزانە پشتی ھاتریکێ رونالدوی چ گوت
ئەڤرۆ نیوز:
پشتی ل شەڤا بوری ستێرا پورتوگالی و یانا یوڤانتوس کریستیانو رونالدوی شیا رێمونتادەکێ توماربکەت و سەرکێشیا یانا خوە یوڤانتوس کر بوو دەربازبوونێ بوو قوناغا ھەشتێ پشتی شیای ھاتریک توماربکەت ل سەر یانا ئەتلەتیکو مەدرید و یانا خوە بەر ب سەرکەفتنێ بەبەت ب سێ گولان بێ بەرامبەر.
رونالدوی پشتی یاریێ دیارکر ئەو گەلەک یێ کەیفخوشحالە ب وێ سەرکەفتنێ و شانازی ب خوە و ھەموو ھەڤالێن خوە دبەت بوو وی ئاستێ بلند یێ بەرامبەر ئەتلەتیکو مەدرید پێشکێشکری ژبەرکو تومارکرنا سێ گولان ل سەر یانەکا وەکو ئەتلەتیکو مەدرید یا ب سانەھی نینە لێ بوو ھەموویان دیاربوو ئەو ژ ئەتلەتیکو مەدرید باشتر و شیانێن ھەڤرکیێ و برنا قارەمانیێ ھەنە ھەر چەندە ھێشتا مایە بوو برنا ناسناڤی لێ سەرکەفتنا ل سەر ئەتلەتیکو دێ بیتە پالدەرەکێ مەزنتر ئەو ل یاریێن بھێت باشتر و ب ھێزتر بچنە دناڤ ھەڤرکیێ دا.
سەبارەت تومارکرنا سێ گولان و قورتالکرنا یانا یوڤانتوس ناڤبری دیارکر یوڤانتوس ھەڤبەست ل گەل وی ئیمزاکریە بوو ڤان جورە یاریان داکو بشێم ھاریکاریا یانێ بکەم .
