بهایێ كارتێن ئنترنێت و پەیوەندیكرنێ گـران نەبوویـە
دهۆك، دلۆڤان ئاكرەیی:
دیلان رەشاد، پەیڤدارێ وەزارەتا ڤەگوهاستن و گەهاندنێ یا حوكمەتا هەرێما كوردستانێ ئاشكرا كر، چو گوهۆڕین د بهایێ كارتێن ئنترنێتێ و پەیوەندیكرنێ دا ل هەرێما كوردستانێ نەهاتینە كرن و دبێژیت: چو بڕیارەكا ب ڤی ڕەنگی ژی ناهێتە دان و ئەم ڤان دەنگۆیان رەت دكەین، یێن باس ل گرانبوونا بهایێ كارتێن مۆبایل و ئنترنێتێ دكەن ژبەر بلندبوونا بهایێ دۆلاری یان زێدەكرنا باجێ.
ناڤبری گۆت: «د رۆژێن بۆری دا، بڕگەیەكا پڕۆژەیاسایا بودجەیا سالا 2027 هاتە بەلاڤكرن، كو ئاماژە ب زێدەكرنا باج و رسووماتێن سەر كارتێن مۆبایل و ئنترنێتێ ب رێژەیا 10% كربوو، بەلێ ئەم گۆتگۆتكا بلندبوونا بهایێ كارتان رەت دكەین».
