بهایێ ڤیزا عومرێ دێ هێتە زێدە کرن
ئەڤرۆ نیوز:
سعودیە دێ بهایێ ڤیزێ بۆ ئەنجامدانا عومرێ بۆ 190 دۆلاران زێدەکەت، پەیڤدارێ وەزارەتا ئەوقافێ دبێژیت، رێکێ نادەین کۆمپانیێن حەج و عومرێ وی گۆژمێ زێدە یێ پارێ عومرەچیان وەربگرن.
نەبەز ئیسماعیل، پەیڤدارێ وەزارەتا ئەوقافێ و کاروبارێن ئایینی ل هەرێما کوردستانێ گۆت: سعودیێ بۆ سالا 2020 پارێ بیما ساخلەمیێ یێ عومرەکاران ئێخستیە سەر بهایێ ڤیزێ، هەروەسا بهایێ ڤیزێ ژ 140 دۆلاران بۆ 190 دۆلاران زێدە کریە، لێ وەزارەتا ئەوقافێ رێکێ نادەت کۆمپانیێن حەج و عومرێ وی برا زێدە یا پارەی ژ عومرەکاران وەربگرن.
نەبەز ئیسماعیلی دیار کریە، بهایێ گەشتا عومرێ ل هەرێما کوردستانێ بۆ سعودیە لدووڤ خزمەتکاریان دێ هێتە گوهۆرین و ب گشتی دناڤبەرا 650 دۆلاران بۆ 800 دۆلاران دایە.
سالا بوری ل هەرێما کوردستانێ 25 هزار کەسان گەشتا عومرێ ئەنجامدایە، 14 کۆمپانیێن سەرەکی و 72 کۆمپانیێن لاوەکی گەشتا عومرێ رێکدئێخن.
