به‌ربژاره‌كێ سه‌رۆكاتیا ئه‌مریكا: دێ هێرشێ كه‌مه سه‌ر عیراقێ
ئه‌ڤرۆنیۆز، ئه‌یاد به‌روارى
به‌ربژاره‌كێ حزبا كۆماری بۆ سه‌رۆكاتیا ئه‌مریكا راگه‌هاند، هه‌كه د هه‌لبژارتنێن سه‌رۆكاتیا ئه‌مریكا دا ب سه‌ركه‌فتم، دێ هێرشێ كه‌مه سه‌ر عیراقێ و سووریێ ژبۆ ژناڤبرنا رێكخستیا داعش یا تیرۆرستی.
دونالد ترامب به‌ربژارێ حزبا كۆمارى بۆ سه‌رۆكاتیا ئه‌مریكا د گۆتاره‌كێ دا ل سه‌ر گه‌میه‌كا له‌شكرێ ئه‌مریكی ل كالیفورنیا، ل دووڤ عیراق تایمز گوت” ته‌نها ڕێ بۆ ژناڤبرنا داعشێ بڕینا ژێده‌رێن دارایی یێن وێ رێكخستیا تیرۆرستی یه و ژێده‌رێ دارایی یێ سه‌ره‌كیێ داعشێ په‌ترۆله و هه‌كه پێدڤی بوو دێ هێرشی عیراقێ و سووریێ كه‌م ژبۆ ژناڤبرنا داعشێ”.
ترامبی گوت ژی” چه‌ندین جهێن په‌ترۆلی و ده‌ڤه‌رێن عیراقێ د ده‌ستێ داعشێ دانه و پێدڤیه ل سه‌ر مه داعشێ بێ به‌هر بكه‌ین ژ په‌ترۆلێ، له‌وما پێدڤیه ئه‌م په‌ترۆلا عیراقێ كونترۆل بكه‌ین ب ڕێیا هێرشكرنێ ل سه‌ر عیراقێ و هه‌كه بۆمه سه‌رۆكێ ئه‌مریكا دێ هێزێن ئه‌مریكی هنێرمه عیراقێ و دێ ده‌ستێ خوه دانینه سه‌ر په‌ترۆلا وی وه‌لاتی و فرۆشین”.
