به‌رشه‌لونا ب فه‌رمى یاریزانه‌کێ خوه فروت
ئه‌ڤرۆ نیوز:
ب فه‌رمی یانا بروسیا دورتموند هه‌ڤبه‌ستا ستێرا خوه و یاریزانێ هه‌لیژارتیێ ئیسپانیا باكو ئه‌لکاسیر راگه‌هاند پشتی ل هاڤینا ئه‌ڤ ساله ب شێوه‌یێ خواستن ژ یانا به‌رشه‌لونا ئینایه دناڤ رێزێن تیما خوه دا.
مايكل زورك رێڤه‌به‌رێ وه‌رزشی ل یانا بروسیا دورتموند بوو مالپه‌رێ فه‌رمی یێ یانێ دیارکر ئه‌و گه‌هشتنه رێگه‌فتنێ ل گه‌ل یانا به‌رشه‌لونا بۆ ده‌ست به‌ردانا باکو ئه‌لکاسیر و هه‌ڤبه‌ستا یاریزانی هاته ئیمزاکر بوو ماوێ پێنچ سالان هه‌تا هاڤینا ٢٠٢٣ دێ ل گه‌ل یانا ئه‌لمانی بیت.
باکو ئه‌لکاسیر ل هاڤینا ئه‌ڤ ساله ب کوژمێ دو ملیون یورویا ب شێوه‌یێ خواستن ژ یانا به‌رشه‌لونا هاتبوو ڤه‌گوهاستن ل گه‌ل ماڤێ کرینێ بوو یانا ئه‌لمانی هه‌بوو کوژمێ ٢٣ ملیون یورویا بده‌ته یانا ئیسپانی هه‌که بخوازیت یاریزانێ ناڤبری بکریت و پشتی ئه‌لکاسیر ل وه‌رزێ ئه‌ڤ ساله شیای ئاسته‌کێ بلند ل گه‌ل یانا ئه‌لمانی پێشکێش بکه‌ت و هه‌تا نوکه هه‌شت گول تومارکرینه ل رێزبه‌ندیا دوێ یا کولگه‌رێن خولا ئه‌لمانیا دهێت ئیدارا یانا دورتموند ب فه‌رمی یاریزانێ ناڤبری به‌رامبه‌ر کوژمێ ٢٣ ملیونا ژ به‌رشه‌لونا کری ل گه‌ل موچه‌یه‌کێ سالانه بۆ یاریزانی دناڤبه‌را دو هه‌تا سێ ملیون یورویا.
هه‌ژی گوتنێ یه یانا به‌رشه‌لونا ل وه‌رزێ ٢٠١٦-٢٠١٧ باکو ئه‌لکاسیر ژ یانا ڤالنسیا به‌رامبه‌ر کوژمێ ٣٥ ملیون یورویا ڤه‌گوهاست بوو، لێ راهێنه‌رێ یانا به‌رشا ڤالڤێردی پشت به‌ستن ل سه‌ر شیانێن وی نه‌تکر و یاریزانێ ناڤبری ژی داخازا چونێ ژ یانێ کربوو کو یاریزانێ ناڤبری ل وه‌رزێ ئه‌ڤ ساله د شه‌ش یاریێن خۆلا بوندس لیگا دا شیا هه‌شت گولا توماربکه‌ت .