به‌رشه‌لونا دێ ده‌ست ژ ڤى ياريكه‌رێ خوه يێ ناڤدار به‌رده‌ت
ئه‌ڤرۆنيوز:
راپۆرتێن رۆژنامه‌ڤانى ل ئيسپانيا ئاشكرا دكه‌ن كو يانا به‌رشه‌لونا ل به‌ره ل ده‌ستپێكرنا ڤه‌گوهاستنا ياريكه‌ران ل وه‌رزێ زڤستانێ ده‌ست ژ ياريكه‌ره‌كێ خوه يێ به‌رنياس به‌رده‌ت.
راديوا (كه‌تالونيا) يا ئيسپانى به‌لاڤكر كو ل رۆژا پێنجشه‌مبيا بۆرى كارگێريا يانا به‌رشه‌لونا دانوستاندن ل دۆر پرسا پاشه‌رۆژا ياريكه‌رێ فه‌ره‌نسى (عوسمان ديمبلى) ل گه‌ل يانا به‌رشه‌لونا كر.
ئاماژه كر ژى كو يانا به‌رشه‌لونا ل به‌ره ل ده‌ستپێكا قۆناغا ڤه‌گوهستنا ياريكه‌ران ل وه‌رزێ زڤستانێ ده‌ست ژ ديمبلى به‌رده‌ت وب فرۆشيت.
ئاشكراكر ژى كو ره‌فتارێن ديمبلى ل ده‌رڤه‌يێ ياريگه‌هێ وه‌كو نه پێگيريكرنا وى ب راهێنانان وژڤانێن كۆمبوونێن ياريكه‌ران بوويه ئه‌گه‌رێ دروستبوونا گرفتان دناڤبه‌را وى وراهێنه‌رێ به‌رشه‌لونا ئێرنستۆ فالفيردى دا.
دياركر ژى ژبه‌ر وان گرفتان عوسمان ديمبلى جهێ خوه وه‌كو ياريكه‌رێ سه‌ره‌كى دپێكهاتا به‌رشه‌لونا دا يێ ژده‌ستداى ول ياريا به‌رشه‌لونا وئه‌نترميلان ل سه‌ر كورسيێن يه‌ده‌كان يێ روونشتى بوو ودياريا ل گه‌ل ريال مه‌دريد ژى وه‌كو پێگوهۆر ل گێمێ دويێ پشكدار بوو.