به‌رشه‌لۆنا دخوازیت هه‌ڤبه‌ستێ ل گه‌ل ڤى هێرشبه‌رێ گه‌نچ ئیمزا بكه‌ت
ئه‌ڤرۆ نیوز:
یانا به‌رشه‌لۆنا یا به‌رده‌وامه ل سه‌ر لێگه‌ریانا ده‌ستڤه ئینانا هێرشبه‌ره‌كێ خودان شیان بوو وه‌رزێ بهێت وه‌كو پێگوهور بیت ل جهێ سوارێز ئه‌وێ دێ ژیێ وى گه‌هیته 33 سالى ل وه‌رزێ بهێت.
به‌رى نوكه راپورتێن رۆژنامه‌ڤانى دیاركربوو یانا به‌رشه‌لۆنا چه‌ند یاریزان كرینه ئارمانجا خوه بوو وه‌رزێ بهێت هه‌ڤبه‌ستێ ل گه‌ل ئیمزا بكه‌ن وه‌كو پێگوهورێ سوارێز بیت ل چه‌ند سالێن بهێت.
مالپه‌رێ یێ ئیسپانى دیاركریه پشتى ستێرا نه‌رویجى و یانا سالزبورگ یا نه‌مساوى ئیرلینگ هالاند شیاى ئاسته‌كێ بلند ل وه‌رزێ ئه‌ڤ ساله ل گه‌ل یانا خوه پێشكێش بكه‌ت كو هه‌تا نوكه 18 یاریان دا شیایه 26 گولان توماربكه‌ت كو 7 ژ ئه‌وانان د قاره‌مانیا چامپیونیز لیگ توماركرینه ژ سه‌رجه‌مێ چار یاریان و ژبه‌ر وى ئاستێ بلند یانا به‌رشه‌لۆنا ده‌ست ب به‌رهه‌ڤیا كریه بوو ده‌ستڤه ئینانا ئه‌وى یاریزانى ل ڤه‌گوهاستنێن هاڤینا بهێت .
هه‌ردیسان وى مالپه‌رى ئاشكراكریه ژى به‌رپرسێن یانا به‌رشه‌لۆنا وه‌سا دبینن هالاند باشترین پێگوهوره ل جهێ سوارێز بوو چه‌ند سالێن بهێت .
ل دووماهیێ وێ رۆژنامێ ئاشكراكریه ژى رێیا ده‌ستڤه ئینانا ڤى ستێرا گه‌نچ یا نه‌رویجى یێ ب سانه‌هى نابیت ژبه‌ركو نوكه هژماره‌كا مه‌زن یا یانێن به‌رنیاس ل سه‌ر ئاستێ ئورۆپا هاتینه د هه‌ڤركیا ده‌ستڤه ئینانا وى یاریزانێ ناڤبرى.
پروڤایلێ ئیرلینگ هالاند .
19 سالى یه .
ل وه‌رزێ ئه‌ڤ ساله 18 یارى ئه‌نجامداینه.
دخۆلا نه‌مسا دا
(12) یارى️
(15) گول ⚽️
د چامپیونیز لیگ دا
(4) یارى️
(7) گول ⚽️
د كاسا نه‌مسا دا
(2) یارى️
(4) گول ⚽️
