به‌رشه‌لۆنا دێ ڤى ستێرا خوه كه‌ته قوربان بۆ ده‌ستڤه ئینانا نیمارى
ئه‌ڤرۆ نیوز:
راپورتێن رۆژنامه‌ڤانى ل ئیسپانیا و فره‌نسا دیاركرینه یانا به‌رشه‌لۆنا ده‌ست ب لڤینا كریه بۆ ڤه‌گه‌راندنا ستێرا خوه یا به‌رى نوكه و یاریزانێ به‌رازیلى نیمارى ئه‌وێ ل هاڤینا 2017 ژ به‌رشه‌لۆنا په‌یوه‌ندى ب پاریس سانجێرمان كرى به‌رامبه‌ر 222 ملیون یورۆیا.
هه‌ردیسان ئه‌وان رۆژناما ئاشكراكریه ژى به‌رپرسێن یانا به‌رشه‌لۆنا دخوازن گوهورینه‌كێ ل گه‌ل یانا پاریس سانجێرمان بكه‌ن ئه‌وژى هێرشبه‌رێ خوه یێ فره‌نسى و ئه‌نتونیو گرێزمان بده‌نه پاریس سانجێرمان به‌رامبه‌ر ڤه‌گوهاستنا نیمارى .
هه‌ردیسان هاتیه دیاركرن ژى دبیت به‌رشه‌لۆنا كوژمه‌كێ پاره‌ى ژى سه‌را ڤه‌گوهاستنا وى یاریزانى پێشكێشى پاریس بكه‌ت ژ پێخه‌مه‌ت ڤه‌گه‌راندنا نیمارى ژبه‌ركو نوكه ئه‌و یاریزان بوویه ئارمانجا سه‌ره‌كى یا وێ یانا كه‌ته‌لونى.
