به‌رشه‌لۆنا و ئسپانيۆل بۆ ده‌رڤه‌ى خولا ئسپانيا
ئه‌ڤرۆ نيوز:
سه‌رۆكێ رابيتا خولا ئسپانى خافيێر تيبه راگه‌هاند كو د ده‌مێ سه‌ربه‌خۆيا كه‌ته‌لۆنيا دا رێ ب يانێن كه‌ته‌لۆنى ناهێته دان د ناڤ خولا ئسپانيا دا ياريێ بكه‌ن.
ئه‌لمۆندۆ ديبۆرتيڤۆ ژ زارده‌ڤێ سه‌رۆكێ رابيتا خولا ئسپانى دا زانين كو رێ ب چو يانان ناهێته دان نه يێن ئسپانى بن و د خولا وه‌لاتێ وان دا ياريێ بكه‌ن و ب ڤێ چه‌ندێ هه‌كه كه‌ته‌لۆنيا سه‌ربه‌خۆيا خوه راگه‌هاند ل وى ده‌مى هه‌ردو يانێن ئسپانيۆل و به‌رشه‌لۆنا ياريێ د خولا ئسپانى دا ناكه‌ن.
خافيێر تيبه دا زانين ژى كو قانوونا ئێكه‌تيا ته‌پا پێ ل ئسپانيا رێ ناده‌ت چو يانێن نه‌يێن ئسپانى ل گه‌ل تيمێن ئسپانى پشكدارى خولا ئسپانيا بن.
