به‌رشه‌لۆنا گرنگى ب یاریزانه‌كێ میلان دایه
ئه‌ڤرۆ نیوز:
راپورتێن رۆژنامه‌ڤانى ل ئیسپانیا و ئیتالیا دیاركربوون یانا به‌رشه‌لۆنا گرنگى ب یاریزانێ گه‌نچ یێ پورتوگالى و یانا میلان یا ئیتالى رابائێل لیاو داینه بوو ڤه‌گوهاستنا ئه‌وى .
رۆژناما لاگازێتا دیللو سپورت یا ئیتالى دیاركریه میلان ئاگا ژ وێ چه‌ندێ نینه و چ داخوازى ب فه‌رمى نه گه‌هشتى نه به‌ر ده‌ستێ ئه‌وان و وێ یانێ دیاركریه ژى هه‌كه ئه‌و چه‌نده راست بیت ژى ئه‌و ده‌ستا ژ یاریزانێ خوه ب هیچ ره‌نگه‌كى به‌ر ناده‌ن دڤى ده‌مى دا.
هه‌ژى گوتنێ یه لیاو یێ 20 سالى ل ڤه‌گوهاستنێن هاڤینا بورى ژ یانا لیل هاتبوو ڤه‌گوهاستن بوو ناڤ رێزێن یانا میلان و هه‌تا نوكه پشكدارى د 5 یاریان دا كریه ل گه‌ل وێ یانا ئیتالى دخۆلا كاتشیو دا و شیایه گوله‌كێ توماربكه‌ت ل گه‌ل ئێك ئه‌سیست.
پروفائێل یاریزان رافائێل لیاو 1999 ژ دایكبوویه
ل سالا 2017 یارى بوو تیما B یا سپورتینگ له‌شبونا پورتوگالى كر 12 یارى دا شیا 8 گولان توماربكه‌ت
ل سالا 2018 بوو تیما ئێكێ هاته سه‌رئێخستن و بتنێ بوو ده‌مه‌كێ كورت یارى ل گه‌ل وى یانێ كر پاش یانا لیل یا فره‌نسى هه‌ڤبه‌ست ل گه‌ل وى یاریزانێ ناڤبرى ئیمزاكر و ل وه‌رزێ 2018-2019 یارى بوو وێ یانا فره‌نسى كر و شیا 28 یاریان دا پشكدارى ل گه‌ل بكه‌ت و هه‌شت گول توماركر و ل هاڤینا ئه‌ڤ ساله هاته ڤه‌گوهاستن بوو میلان یا ئیتالى.