بوفون نمره‌كا نوو ل سه‌ر ئاستێ ئیتالیا توماركر
ئه‌ڤرۆ نیوز:
گولچیێ به‌رنیاس یێ ئیتالى و یانا یوڤانتوس ب پشكداریا خوه ل یاریا دوهى یا به‌رامبه‌ر یانا سپال شیا نمره‌كا نوو ل سه‌ر ئاستێ یاریزانێن ئیتالى توماربكه‌ت پشتى شیاى هژمارا یاریێن خوه ل گه‌ل یانێن پشكدارى ل گه‌ل كرى ب گه‌هینته 903 یاریان.
مالپه‌رێ سكواكا یێ تایبه‌ت ب ئامارێن یاریزانێن وه‌رزشى ڤه به‌لاڤه‌كریه گولچیێ یانا یوڤانتوس بوفون شیا نمرا كابتنێ به‌رێ یێ هه‌لبژارتیێ ئیتالیا و یانا میلان پاولو مالدینى بشكێنت بوو پتر كرنا یاریان ل گه‌ل ئه‌وێن یانێن یارى لێ كرى كو به‌رى نوكه مالدینى هژمارا یاریێن خوه گه‌هاندبوونه 902 یاریان ، ب پشكداریا دوهى یا بوفونى ل گه‌ل یانا یوڤانتوس دژى سپال شیا هژمارا یاریێن خوه ب گه‌هینته 903 یاریان و بوو یاریزانێ ئێكێ د مێژویا ئیتالیا دا پتر پشكدارى د یاریان دا كربیت ل گه‌ل ئه‌و یانێن یارى لێ كرى.
هه‌ردیسان وى مالپه‌رى دیاركریه ژى بوفون پێدڤى ب شه‌ش یاریێن دى یه داكو نمره‌كا دى ژى ل سه‌ر ئاستێ ئیتالیا توماربكه‌ت ئه‌وژى بوو پتر پشكدارى د خۆلا ئیتالیا دا كو نوكه مالدینى ل رێزا ئێكێ دهێت ب 647 یاریان به‌رامبه‌ر بوفون نوكه 642 یارى دخۆلا كاتشیو یا ئیتالى دا كرینه.
بوفون ل گه‌ل ئه‌و یانێن یارى لێ كرى ب ڤى شێوه‌یێ خوارێ یه
پارما (220) ️
یوڤانتوس (658) ️
پاریس سانجێرمان (25) ️
