بوو چونا ریال مەدرید یێ رژدە و چێلسی بتنێ رێکەک ھەیە بەرامبەر نەچوونا وی
ئەڤرۆ نیوز:
یانا چێلسی یا ئنگلیزی یا ھەموو بزاڤا دکەت بوو رازیکرنا ستێرا خوە یا بەلجیکی ھازارد بوو درێژکرنا ھەڤبەستا خوە ل گەل ئەوان لێ ئەو یاریزان یێ رژدە ل سەر چوونا خوە بۆ پێکھاتیێ یانا ریال مەدرید ل ھاڤینا بھێت .
رۆژناما ئەکسپرێس یا برێتانی دیارکریە یانا چێلسی ھزر ل مانا ھازارد کریە بوو وەرزێ بھێت ژی و دبیت کوژمەکێ مەزن ژ دەست بدەت بتنێ دا ئەو یاریزان بوو وەرزەکێ دی ژی ل گەل پێکھاتیێ یانێ دا بمینت، ھەر چەندە ئەو یانە لەندەنی باش ژی د زانیت ھەر دەمێ ھازارد ل وەرزێ بھێت نە فروت دێ خوسارەتیا ئێکێ چێلسی بیت ژبەرکو ھازارد ل دووماھیا سالا بھێت ب ھەڤبەستەکا سەربەست دێ بەر ب یانەکا دی ڤە چیت.
ھەردیسان ئەوێ رۆژنامێ دیارکریە ژی لێ چێلسی یا نەچارە وێ چەندێ بکەت و ھەر دەمێ ھازارد ل ھاڤینا بھێت بفروشن نەشێن چ یاریزانێن دی ل جھێ ئەوی بینن ژبەر ئەو سزایێ ل سەر ئەوان کو ل ھەردو مێرکاتویێن بھێت نەشێن ھەڤبەستا ل گەل چ یاریزانان ئیمزا بکەن.
ژلایەکێ دیڤە چەند رۆژنامەیێن ئیسپانی بەلاڤەکریە ھازارد بەرپرسێن یانێ ئاگادارکریە ئەو یێ رژدە دێ ل ھاڤینا بھێت ئەو دێ پێکھاتیێ چێلسی ب جە ھێلت و حەزا ئیمزاکرنا ھەڤبەستا ریال مەدرید ھەیە.
