بوچی حەبێن کونترۆلکرنا زارۆبوونێ دبنە ئەگەرێ مەزنبوونا سینگی؟
ئه‌ڤرۆنيوز:
ژ بەر کو حەبکێن کونترول کرنا زارۆک بوونێ پێک دھێن ژ ھورمونان و دشێن ببنە ئەگەرێ مەزن بوونا سینگی. لێ پتریا دەمان ئەڤ کارتێکرنە بۆ ماوەکێ کاتی یە.
دو ھورمونێن سەرەکی دڤان حەبکان دا ھەنە: ئەستروجین و پروجیسترون. لاش ڤان ھەردو ھورمونان دروست دکەت، ل دەمێ خولا ھەیڤانە دا ئاستێن وا دھێنە گوھورین و ئەڤە دبیتە ئەگەرێ گوھورینێ د شێوێ سینگی دا. دەمێ ئافرەت ڤان حەبکان وەردگریت رێژا ڤان ھورمونان زێدە دبیت و د ئەنجام دا سینگ مەزن دبیت و ھەستیاری یان ئێشان پەیدا دبیت.
ھەرچەندە دبیت شێوە و قەبارێ سینگی ب ڤەگەریتەڤە بۆ سروشتی لێ پشتی چەند خولێن ھەیڤانە یان پشتی ھێلانا وەرگرتنا حەبکان.
- ھندەک کارتێکرنێن لاوەکی یێن وەرگرتنا ڤان حەبکان:
دبیت ل دەمێ وەرگرتنا ڤان حەبکان ھندەک کارتێکرن ل دەڤ وی کەسی پەیدا ببن، ژ وان:
– گوھورین د ھەوەسی دا
– گوھورین د خولا ھەیڤانە دا، کو گەلەک یان کێم خوین دیتن.
– ھەستیاری د مەمکان دا
– سەرئێشان
– دل رابوون
بەری وەرگرتنێ یان گوھورین د شێوازێ وەرگرتنێ دا پێدڤیە پرسیار ب نوشدارێ تایبەتمەند بھێتە کرن و مەترسیێن وێ بھێنە دیارکرن.
