بو جارا ئێكێ یوفا چه‌ند گوهورین د چامپیونیز لیگ دا كرن
ئه‌ڤرۆ،هه‌ژار:
ئێكه‌تیا یوفا یا ئورۆپا بوو جارا ئێكێ چه‌ند گوهورین د قاره‌مانیا چامپیونیز لیگدا كرن كو بریاره ئه‌و گوهورین ژى ل ده‌ستپێكا وه‌رزێ بهێت بخێنه جێبه‌جێكرن و ئه‌و گوهورین ژى ب ڤى شێوه‌ى نه.
ژ ئه‌وان یا ئێكێ بریارا یوفا بریار دایه كو ل وه‌رزێ ئه‌ڤ ساله و وه‌رزێن بورى هه‌شت یارى د ئێك ده‌مژمێر دا هاتنه‌كرن لێ بوو وه‌رزێ بهێت دێ گوهورین كه‌ڤیته ده‌مێ یاریان ئه‌وژى چار یارى دێ ل ده‌مژمێر 8:05 شه‌ڤ هێنه‌كرن و چار یاریێن دویڤدا یێن هه‌مان شه‌ڤ ده‌مژمێر 11:00 شه‌ڤ بهێنه‌كرن، هه‌ردیسان خالا دوێ ئێكه‌تیا یوڤا بریار دایه هژمارا ئه‌و یانێن ئێكسه‌ر بوو ده‌ربازبوونێ ل جهێ 22 یانه بكه‌ته 26 یانه .
خالا سیێ بریاره هه‌ر چار یانێن ئێكێ د رێزبه‌ندیا خولێن ئیسپانیا و ئیتالیا و ئه‌لمانیا و ئنگلته‌را ئێكسه‌ر ده‌ربازى قوناغا كومان به‌ن كو به‌رڤاژى وه‌رزێن بورى كو خودانێن رێزێن سیێ و چارى یێن ئه‌وان وه‌لاتان نه‌شیا ئێكسه‌ر ده‌ربازى قوناغا كومان به‌ن كو دو یاریێن ئێكلاكر دكرن د قوناغا ڤاڤارتنان دا لێ ئه‌ڤ ساله خودانێن هه‌ر چار رێزێن ده‌ستپێكێ د ئه‌وان وه‌لاتان دا ئێسكه‌ر ده‌ربازى قوناغا كومان به‌ن
خالا چارێ خودانێن رێزین ئێكێ و دوێ یێن خولێن فه‌ره‌نسا و ئیتالیا ئێكسه‌ر ده‌ربازى قوناغا كومان به‌ن و خودانێن رێزا ئێكێ د خولێن توركیا و ئوكرانیا و پرتوگال به‌لجیكا ئێكسه‌ر ده‌ربازى قوناغا كومان به‌ن .
خالا پێنجێ یا گرێداى قاره‌مانیا یورۆپا لیگ بوو كو ئه‌وژى وه‌كو هه‌ردو سالێن بورى قاره‌مانا یورۆپا لیگ دێ ئێكسه‌ر ده‌ربازى قوناغا كومان بیت ژ قاره‌مانیا چامپیونیز لیگ .
هه‌ردیسان ل خالا شه‌شێ ئێكه‌تیا یوڤا ره‌تكر ئه‌و ل وه‌رزێ بهێت پشت به‌ستنێ ل سه‌ر ته‌كنه‌لوژیا یا ڤیدیو بكه‌ت بوو یاریێن وه‌رزێ بهێت.
