بڕیارەکـا شـامێ دبیتە جهـێ دلگـرانیا کـوردێن رۆژئاڤـایێ کـوردستانێ
حوکمەتا سووریێ بریار دایە ناڤێ چەندین قۆتابخانەیان ل رۆژئاڤایێ کوردستانێ بگوهۆڕیت و ئەو یەک ژی بوویە جهێ دلگرانیا کوردان و ب سەدان رەوشەنبیر و مامۆستایێن کورد ل چەندین باژێرێن رۆژئاڤایێ کوردستانێ نەرازیبوونا خوە ل هەمبەر شامێ دیار کرن و راگەهاندن ئەو یەک ل دژی وێ رێککەفتنێ یە کو بەری نها د ناڤبەرا شامێ و هەسەدێ دا هاتیە ئیمزا کرن و ل گۆر وێ رێککەفتنێ دڤێت شام رێزێ ل زمان و کەلتورێ کوردان بگریت و گوهۆڕینا ناڤێ قۆتابخانەیان ب چو رەنگەکێ ناهێتە قەبوول کرن.
ل ئالیێ دی رێڤەبەریا خوەسەر ژی دیار کر، دڤێت حوکمەتا سووریێ رێزێ ل ئیرادە و داخوازیێن گەلێ کورد بگریت، ناڤێ قۆتابخانەیان پشکەکە ژ کەلتورێ کوردان و گوهۆڕینا وان ناڤان ب چو رەنگەکێ ناهێتە قەبوول کرن، بزاڤێن وەسا دێ بنە ئەگەرێ ئالۆزیێن نوو.
ل گۆر زانیاریان دهێتە چاڤەرێکرن ل دژی بریارا شامێ ل چەندین باژێرێن رۆژئاڤایێ کوردستانێ خوەنیشادان بهێنە کرن.
