بۆچى لاش دهێته خوراندن؟
ئه‌ڤرۆنيوز:
نوشداره‌كێ تایبه‌تمه‌نده‌كێ نه‌خوشیێن پیستى ل دور خوراندنا لاشى دياركر: “گه‌له‌ك ئه‌گه‌ر هه‌نه كو مرۆڤ پێتدڤى بیت لاشێ خۆ ب خورینیت ژ وان ژى: نه‌خوشێن (فتریات و حه‌ساسێى و لیره ) و گه‌له‌كێن دیتر و پتریا وان ل وه‌رزێ (هاڤینێ) دبنه ئه‌گه‌ر پیستێ مرۆڤى پێدڤى ب خوراندنێ ب بیت”.
ته‌لال ره‌شيد، نوشدارێ تایبه‌تمه‌ندێ نه‌خوشیێن پیستى بۆ نوش نيوز دیاركر كو فتریات گه‌له‌ك جاران بن كه‌فشێن مرۆڤى دبنه خال و ئه‌و ژى ژ (خوهدان و ئاڤێ) دروست بیت له‌روا باشه مرۆڤ هاڤینێ به‌رده‌وام لاشێ خۆ بشوت و زوربه‌یا جاران ژى (حه‌ساسى) په‌یدا دبیت ده‌ما مرۆڤ هنده‌ك كه‌رستان بكار ب ئینیت چ ییێن بكارئینانا ناف مالێ بن ژ لایێ ئافره‌تان یان ژى هنده‌ك جاران نك زه‌لامان دروست بیت ده‌ما كار ب چیمه‌نتو و گه‌له‌ك مادێن دیتر دكه‌ن و دبنه ئه‌گه‌ر حه‌ساسى ل سه‌ر پیستى دروست بیت.
تایبه‌تمه‌ندێ نه‌خوشیێن پیستى ئه‌و چه‌نده ژى دوپاتكر كو گه‌له‌ك جاران خوراندنا لاشى نك كه‌سێن دانعه‌مر دروست دبیت ده‌مێ (كلیێن وى دروست نه‌بن) و وى ده‌مى (یوریا) وى كێم ببیت كو (یوریا وه‌ك خوێ یه) له‌ورادێ بیته ئه‌گه‌ر مروڤ هه‌ست ب خوریانا لاشى بكه‌ت و پتریا جاران ژى ژ ئه‌گه‌رێ (گه‌رمێ) نه‌خوشیێن (خوریانێ) دروست دبن و چاره‌سه‌ریێن وان ب ساناهى نه و هه‌ر ده‌مێ هه‌ست ب خوریانه‌كێ بهێته كرن فه‌ره مرۆڤ زوى قه‌ستا نوشدارێ تایبه‌تمه‌ند بكه‌ت و چاره‌سه‌ریا خو وه‌ربگریت.
