بۆچى پرچ گه‌له‌ك د وه‌ریێت؟

ئه‌ڤرۆنيوز:

وه‌ریانا پرچێ نه‌خوه‌شیه‌كه‌ هه‌ردو ره‌گه‌زێن نێر و مێ پێ دنالن، لێ پتریا كه‌سێن به‌ر ڤێ دياردێ دبن زه‌لامن، نوشداره‌ك ژى ئه‌گه‌رێن وه‌ریانا پرچێ دیاردكه‌ت.

بارزان خالد شه‌ره‌ف، نوشدارێ تایبه‌تمه‌ندێ نه‌خوه‌شیێن پیست و جوانكاریێ بۆ نوش نیوز گۆت” وه‌ریانا پرچێ ژ كه‌سه‌كێ بۆ كه‌سه‌كێ دیتر یا جودایه‌، لێ پتریا نه‌خوه‌شیا وه‌ریانا پرچێ ل نك مه‌ و جیهانێ هه‌موویێ ئه‌و چه‌نده‌ یه‌ ده‌مێ وه‌ریانا پرچێ ژ جیناتا بیت ئانكو (ویراسى‌) بیت و ده‌مێ مرۆڤ بالغ دبیت پتر پرچ د وه‌ریێت، چونكى پشتى قوناغا بالغبونێ ده‌مێ هورمونێن له‌شێ مرۆڤى یێن جنسى مه‌زن دبن، دبیته‌ ئه‌گه‌ر پرچ ژى لاواز بیت و ب وه‌ریێـت”.

پتر گۆت” پتريا ژنان ده‌مێ پرچا وان د وه‌ریێت ئه‌و ده‌مه‌ كو ب دو گیان بن و تشته‌كێ نورماله‌ و ئاخڤتنه‌كا كوردى يا هه‌ی‌ دبێژنه‌‌ ژنێ پرچا ته‌ وه‌ریا ئه‌و زاروكێ د زكێ ته‌ دا یێ نێزیكه‌ له‌ورا، لێ چو راستى بۆ ڤان گوتنان نینه‌ و تشته‌كێ نورماله‌ دبیت قوناغا ده‌ستپێكێ یا دوگیانيێ بیت و پرچ ب وه‌ریێت”.

وى نوشدارێ تایبه‌تمه‌ندێ نه‌خوه‌شیێن پیست و جوانكاریێ دیاركر ژى كو خوارنا فێقى و كه‌سكاتيێ و باهیڤ و گیزان گه‌له‌ك كاریگه‌ریا خوه‌ يا هه‌ی‌ پرچ بهێز بیت و نه‌ وه‌ریێت و خوارنێن داگرتى (موعه‌له‌بات)  ئه‌گه‌رن كو پرچ ب وه‌ریێت و ئه‌گه‌ره‌كێ دیتر ئه‌و چه‌نده‌ یه‌ پرچ ب وه‌ريێت بكارئینانا جێلى و كه‌ویكرنا پرچێ يه‌ ب تایبه‌ت نك گه‌نجان.

کۆمێنتا تە