بۆچی پەرسیڤ ھندەک جاران درێژ دبیت؟
ئه‌ڤرۆنيوز:
نوشداره‌كێ تایبەتمەندێ نشتەرگەریێن گشتی دیارکر کو پەرسیڤ نەخوه‌شيه‌کا ڤایرۆسیە، ل پتریا حالەتاندا بۆ ده‌مێ ٣-٧ رۆژان ڤەدکێشیت و پشتی ھنگی ب خوه دچیت، ھەتا بێی ب کارئینانا چو دەرمانان ژی دچیت، لێ گەلەک جاران ئەڤ ئێشه مرۆڤی زوو بەرنادەتن ودبیت بۆ ده‌مێ پتر ژ ٢ حەفتیا ل بەر تا وکوخک وپەرسیڤا بنالیت،
عه‌دنان سالح، نوشدارێ تایبەتمەندێ نشتەرگەریێن گشتی ل ئاكرێ بۆ نوش نيوز دياركر كو ئه‌گه‌رێن درێژبوونا ده‌مێ به‌رسيڤى دزڤريت بۆ :
١-کێم ڤەخوارنا ئاڤ وشلەمەنیان: چونکی ھشکبوون ئاریشێ ئالوزتردکەت
٢-نەبوونا بێھنڤەدانێ: پێدڤی یە ل ٣ رۆژێن دەسپێکی مرۆڤ باش بنڤیت وبێھنڤەدەتن ژبوی کاراکرنا سیستەمێ بەرگریێ
٣-فشارێن دەرونی: تۆ نەشێی بەرھەنگاریا ھەودانا ڤایرۆسی بکەی ولاشێ تە ل ژێر گڤاشتنادا بیت، لەوا دەمێن ئارامیێ بخۆ پەیدا بکە
٤-دەست نیشانکرنا نەدروست: گەلەک نەساخیێن دی وەک ھەستیاریا (حساسیە) وھەودانان جیوبان ھەمان نیشانێن پەرسیڤێ ھەنە
٥-وەرگرتنا چارەسەریا خەلەت: گەلەک دەرمان ب تایبەتی دژە ھەودان (ئەنتی بایوتیک) لەوانەیە ماوێ نەساخیێ درێژتربکەن
٦-ڕاھێنانێن قورس: ھەرچەندە ب زاڤ یا پێدڤی یە بۆ نەساخی لێ وەرزشێن نەسڤک ماسولکان گرژتردکەن و ماوێ نەساخیێ پتر دکەن.