بۆ ئێكه‌مین جار ئاشه‌كێ ته‌حینێ ل ده‌ڤه‌را نه‌هلێ هاته دانان
ئه‌ڤرۆ نیوز،سه‌باح زوهێر زێبارى:
عیمران ئه‌كره‌م خودانێ ئاشێ ته‌حینێ ل گوندێ بامشمش ل ده‌ڤه‌را نه‌هلێ یا سه‌ر ب قه‌زا ئاكرێ ڤه بۆ ئه‌ڤرۆ نیوز دا دیاكرن كو پشتى وان زانى كو دانا ئاشه‌كێ ته‌حینێ ل وێ ده‌ڤه‌رێ پێدڤیه‌كا فه‌ره وان هه‌ولدا ئاشه‌كێ ته‌حینێ بینن و خوشبه‌ختانه پشتى هه‌ولدانا وان ل توركیا ئاشه‌كێ ته‌حینێ ئینا و نها ده‌ست ب دروستكرنا ته‌حینا خومالى كریه.
عیمران زێده‌تر دبێژیت كو داخازیه‌كا زور ل سه‌ر ته‌حینا خومالى یا هه‌ى، چونكى كوالێتیا وێ یا باشه و ژ كونجیێن ده‌ڤه‌رێ دهێته دروستكرن، بهایێ هه‌ر كیلویه‌كێ ب 8هزارایه، ئه‌ڤ ئاشه مفاى گه‌هینته چه‌ندین گوندێن ده‌ڤه‌رێ، چونكى هژماره‌كا زور یا گوندان یا هه‌ى و هه‌تا نها چو ئاشێن ب ڤى شێوه‌ى نه‌بووینه.
