بۆ ئێكەم جار مەیدانەکا تایبەت بۆ تڕۆمبێلێن بارهەلگر ل زاخۆ دێ هێتە دروستكرن
زاخۆ، دلۆڤان هالۆ:
ل دووڤ بریارا وەزارەتا ناڤخۆیا حكۆمەتا هەرێما كۆردستانێ، هەر ترۆمبێلەكا بیانی دەمێ ل هەرێما كۆردستانێ بیت هەتا ل سەرانسەریا ئیراقا فیدرال، چونكو ئەم حكۆمەتەكا ئێگرتینە ئەڤ ترۆمبێلە ئەگەر سەرپێچیان بكەت، یان ل جهێن قەدەغە ب راوەستیت و دگەل سەرپێچیا كامیرێ چ پێ نەڤێت و ئەڤ هەمی سەرپێچی یە دهێنە توماركرن، ناڤهاتی گۆت: دەمێ ڤەگەریانا ڤان ترۆمبێلان ب رێیا خالێن سنۆری و گۆمركی دێ پێرابوونێن یاسای دگەلدا هێنەكرن.
ڕێڤەبەرێ ناحیا ڕزگاری ل ئیدارەیا سەربخوە یا زاخۆ، دیاركر كو ل سەر ڕووبەرێ 100 دۆنەمێن ئەردی، بۆ ئێكەم جار گۆڕەپانەكا تایبەت بۆ تڕۆمبێلێن بارهەلگر ل نێزیك گۆندێ تیانێ یێ سەر ب كۆمەلگەها دێرەبینێ ڤە ل ناحیا ڕزگاری ل ئیدارەیا سەربخوە یا زاخۆ دێ هێتە دروستكرن.
ئەدیب جەعفەر، ڕێڤەبەرێ ناحیا ڕزگاری ل ئیدارەیا سەربخوە یا زاخۆ بۆ ڕۆژناما ئەڤرۆ دیار كر، پڕۆژێ دروستكرنا گۆڕەپانەكا تایبەت بۆ ڕاوەستاندنا تڕۆمبێلێن بارهەلگر، ژ لایێ وەبەرهێنەرەكێ زاخۆ ڤە و ب سەرپەرشتیا ئیدارەیا سەربخوە یا زاخۆ دێ هێتە دروستكرن ب مەرەما ڕێكخستنا تڕۆمبێلێن بارهەلگر و ڕاوەستاندنا وان ل ئێك جهێ دەستنیشانكری.
ناڤهاتی ئاماژە ب وێ چەندێ ژی كر كو هەموو خزمەتگۆزاریێن پێدڤی دێ ل ڤێ گۆڕەپانێ هێنە دروستكرن، و دێ چەندین دەرفەتێن كاری بۆ خەلكێ دەڤەرێ پەیدا كەت.
گۆت ژی:»پشتی دروستكرنا ڤێ گۆڕەپانێ ئێدی ب چ ڕەنگان تڕۆمبێلێن بارهەلگر ل ناڤ تاخ و كۆلان و جاددەیێن ناڤ باژێڕی ناهێنە ڕاوەستاندن چونكی دێ ئەڤ گۆڕەپانە جهێ ڕاوەستاندنا وان یا تایبەت بیت».