بۆ جارا چارێ رۆنالدۆيێ به‌رازيلى دێ ژيانا هه‌ڤژينيێ پێكئينيت
ئه‌ڤرۆ نيۆز:
بۆ جارا چارێ ياريكه‌رێ به‌رێ يێ هه‌لبژارتيێ به‌رازيل رۆنالدۆيى بڕيار دا ژيانا هه‌ڤژينيێ ل گه‌ل مورايس پێك بينيت، به‌لێ دبيت ڤێ جارێ ژ هه‌موو جارێن دى يا جودابيت ژ به‌ر گرنگيدانا وى يا بێ سنور بێ ڤێ هه‌لكه‌فتێ ل ڤێ جارێ.
ئه‌ڤ ديتنه پتر ئاشكه‌را دبيت پشتى كو جيڤانوكا ته‌پا پێ بڕيار داى رێ و ره‌سمێن شه‌هيانا وى سێ رۆژان به‌رده‌وام بن، ب ئاماده‌بوونا هزار كه‌سان ئه‌وان دێ ل نيسانا بهێت هێته كرن.
ئه‌ڤ ئاهه‌نگه دێ ل بۆزيۆس يا گه‌شتيارى ئه‌وا 170 كليۆمه‌تران ژ باژێرێ ريۆ دى جانيرۆ دوور هێته كرن كو بڕياره گه‌له‌ك ژ ستێرێن گه‌له‌ك به‌رنياس يێن ته‌پا پێ يێن سه‌رده‌مێ رۆنالدۆيى پشكدار بن.
دهێته چاڤه‌رێكرن شه‌هيانا وى ب مواريس ببيته يا چارێ بۆ گۆلكه‌رێ مێژووى رۆنالدۆيى پشتى به‌رى نوكه ژيانا هه‌ڤژينيێ ل گه‌ل هه‌ر ئێك ژ ياريكه‌را ته‌پا پێ ميلينى دومينيگێز و نمايشكه‌را جلكان دانيێلا سيكاريلى و ئه‌نده‌زيار بيا ئه‌نتۆنى.
پاولا مورايس وه‌كو رێكخه‌را ئاهه‌نگان كار دكه‌ت و ئه‌ڤه دو ساله په‌يوه‌نديه‌كا دلدارى يا ب هێز ل گه‌ل رۆنالدۆى هه‌يه، جاره‌كێ بۆ ماوه‌كێ كێم هاتيه بڕين ژ ئه‌گه‌رێ غيرێ به‌لێ وه‌كو به‌رێ ڤه‌گه‌رياڤه پشتى گه‌شتا وان بۆ ئسپانيا.
