بۆ جوانیا لەشێ خوە ئافرەتێن زاخۆ توشی نەخوشیا دبن ل شوینا زەعیف بوونێ
زاخۆ,ھشیار دوبانکی:
لەشجوانی وکرنا وەرزشێ ئێک ژ داخوازیێت ھەر کەسەکێ نێر یان مێ نە بەلێ دڤێت لسەر بنیایەتەکێ ئەکادمی ڤی کاری ئەنجام بدەت وماموستایەک وەسا دیاردکەت غاردانا ئافرەتا ل سەر سەبی ل دەوروبەرێن یاریگەھا زاخۆ یادەولی شاشیە ودی توشی نەخوشیا بن و راھینەرەکا ھولێن لەشجوانیی وەسا دیاردکەت ل بن چاڤدیریا راھینەرکی دێ پتر کێشا خوە ئینن خوارێ و چ مەترسی ل سەر ژیانا ئەوان نابیت ئەگەر قەستا ھولێن لەشجوانیێ بکەن.
قەھرەمان نوری زەینەل ماموستایێ وەرزشی ل زانکویا زاخۆ دبێژیت :غاردانا ئافرەتا ل دەوروبەرین یارێگەھا زاخۆ شاشیە وگەلەک زیانێ دگەھینتە بربرا پشتی ھەردیسان زیانێ دگەھینتە ھەموو ماسولکێت لەشی پێت ئەوان ، ئەگەر ئەو بیلاڤا بکار دئینن مارکە بیت و ژ جورێن باش بیت دبیت زیانێن وێ کێمتر بن، ژبەرکو مارسونێن جیھانی ھەموو ل سەر شەقاما دھێنە کرن و بۆ ڤان ساخلەمە لێ ئەوا ئافرەتێن مە دکەن یا خەلەتە گەلەک تشتا بەر چاڤ نا وەرگرن.
ئافرتەک بناڤێ زوزان دیارکر کو ئەڤە نیزیکی دوو ھەیڤانە ھەر شەڤ دەم ژمێرەکێ ل دور یارێگەھێ وەرزشی دکم وکەسی ئەز ئاگادار نەکریمە کا زیانێن وێ چنە و یا شویڤە ئەو وەرزشا ئەو کەت باشترە ژ وەرزشا ھولێن لەشجوانیێ، ئەگەر ئەو وەرزشا ئەو دکەن یا ب زیان بیت کو سەر سەبێ وەرزشێ کەن ئەو دخوازن رێڤەبەرێ یاریگەھا یانا زاخۆ ئەردێ دەوروبەرێ یاریگەھێ بکەنە فریزە یان ئاخ داکو چو زیان نە گەھیتە ئەوان ئافرەتان ئەوێن وەرزشێ ل وێ یاریگەھێ کەن .
ئەڤین محەمەد راھینەرا کچ یا ھولەکا لەشجوانیێ ل زاخۆ دبێژیت :روژانە زیدەبونا ئافرەتێ ل دەوروبەرێن یاریگەھا زاخۆ بەرەف زیدەبونێ یە و دبینت ئەگەر ئەو ئافرەتێن وەرزشێ ل دەوروبەری یاریگەھا زاخۆ کەن پێلاڤێن وان یێن وەرزشی د باش بن دبینت چو زیان نەکا مەزن نا گەھیتە کەسەکێ لێ پێلاڤا ئەوان یا باش نەبیت دێ مەترسیەکا مەزن ل سەر لەشێ ئەوان و ساخلەمیا ئەوان ھەبیت دبیت توشی نەخوشیا فەقاراتا بن، نابیت ئەو پیلاڤێن رەق یان پێت ئەوان تێدا نە ئارام بن و وەرزشێ پێ بکەن ب کار بئینن.
زێدەتر ناڤبری گوت: ئەگەر ئەو وەرزشێ ل سەر فریزەی یان ئاخێ بکەن دێ گەلەک باشتر بیت و دێ مفایەکێ باشتر ژێ بینن و دێ ژ مەترسیا زیانان ژێ دورکەڤن و ئەگەر ئەو ل بن چاڤدێریا راھێنەرەکی وەرزشێ بکەن چو کور بیت یان کچ دێ گەلەک باشتر بیت و ئەگەر ئەو بەرێ خوە ب دەنە ھولا دبینت باشترە ژبەرکو ئەگەر کچا ژبەر غاردانێ بیت ئەوان جیھازێن غاردانێ ل ھولا ژی ھەنە ب شێوەیەکێ ئاکادمی دێ وەرزش ب ئافرەتان ھێتەکرن ل ھولێن لەشجوانیێ.
