بۆ دەستڤە ئینانا یاریزانەکی یوڤانتوس دێ ٦٠ ملیونان و یاریزانەکی کەتە قوربان
ئەڤرۆ نیوز:
راپورتێن رۆژنامەڤانی ل ئیتالیا دیارکریە یانا یوڤانتوس دەست ب پلانەکا نوو کریە بوو دەستڤە ئینانا ستێرا لازیو یا ئیتالی سێرجی میلینکوڤیتچ ساڤیتچ بۆ ڤەگوھاستنێن ھاڤینا ئەڤ سالە .
رۆژناما کوریری دیلا سیرا یا ئیتالی دیارکریە نوکە ساڤیتچ بوویە ئارمانجا سەرەکی یا یانا یوڤانتوس بۆ ڤەگوھاستنێن ھاڤینێ لێ سەرۆکێ یانا لازیۆ مەرجەک ھەیە بۆ دەست بەردانا ئەوی یاریزانی ئەوژی ھەر یانەکا حەزا ئیمزاکرنا ساڤیتچ ھەبیت پێدڤی یە ١٠٠ ملیون یورۆیا پێشکێشی یانا ئەوان بکەن.
ھەردیسان ئەوێ رۆژنامێ ئاشکراکریە ژی یانا یوڤانتوس کوژمێ ٦٠ ملیون یورۆیا بوو ڤەگوھاستنا ئەوی یاریزانی بەرھەڤکریە و دبیت یاریزانەکێ خوە ژی بدەنە یانا لازیۆ بەرامبەر ڤەگوھاستنا ئەوی یاریزانی.
ھەژی گوتنێ یە سێرجی میلینکوڤیتچ ساڤیتچ نوکە بوویە ئارمانجا زوربەیا یانێن مەزن ل ئورۆپا لێ یانا یوڤانتوس ژ ھەر یانەکا دی پتر گرنگی ب ڤەگوھاستنا ئەوی دایە.
