بۆ یاریا کلاسیکو دربەک ب سیمیونی کەڤت
ئەڤرۆنیوز، ھەژار مەعروف:
راپورتێن رۆژنامەڤانی یێن ل فەرەنسا دەنگوباسی ھنگافتنا ستێرا ھێلا ھێرشبەریا ھەلبژارتیێ فەرەنسا تەکید کر و راھێنەرێ ھەلبژارتیێ فەرەنسا دیدیە دیشامپ بۆ یاریا ھەڤالینی یا بەرامبەر کوتیڤوار ستێرا ھێرشبەریا ھەلبژارتیێ فەرەنسا ئەنتونو گرێزمان داخواز نەکریە ژبەر ئەو ھنگافتنا توش بووی ل یاریا بەرامبەر ھەلبژارتیێ سوید ل دەستپێکا ڤێ حەفتیێ .
ژلایەکێ دیڤە رۆژنامەیێن مەدریدی ئەو چەندە دیارکریە بۆ یاریا کلاسیکویا مەدرید دربەکێ مەزن ب راھێنەرێ ئەتلەتیکو مەدرید دیگو سیمیونی کەڤتیە ئەوژی ھنگافتنا یاریزانێ وی گرێزمان کو راھێنەرێ ناڤبری پشت بەستنەکا مەزن دانایە سەر ئەڤی یاریزانی لێ دبیت یاریزانێ ناڤبری بۆ یاریا ١٩ ڤێ ھەیڤی بەرامبەر ریال مەردید ئامادە نەبیت ژبەر ھنگافتنێ کو وەسا دھێتە چاڤەرێکرن ھنگافتنا وی دێ ڤەکێسیت.
ھەژی گوتنێ یە گرێزمان ل وەرزێ ئەڤ سالە ١٤ یاریا پشکداری ل گەل ئەتلەتیکو مەدرید کریە ھەشت گول تومارکرینە و پێنج گول ژێ بۆ ھەڤالێن خوە دروستکرینە.
