بۆ ساخله‌ميه‌كا باشتر ل ره‌مه‌زانێ ڤان شيره‌تان به‌رچاڤ وه‌رگرن
مفایێن روژیگرتنێ:
- رۆژیگرتن ئارامیێ ددەتە لەشی و ب تایبەت ئارامیێ بۆ کوئەندامێ ھەرسکرنێ پەیدادکەت.
- سیستەمێ خوارنێ ل ھەیڤا رەمەزانێ پێدڤیە وەکو رۆژێن سروشتی بیت کو سیستەمەکێ ھەڤسەنگ بیت و ھەموو پێدڤیێن لەشی ژ خوارنێ دابین بکەت.
- ھەیڤا رەمەزانێ دەلیڤەیەکا زێرینە بۆ ھێلانا جگارەکێشانێ.
شیرەتێن گرنگ ل دور فتارێ:
- پێدڤی یە خوارنا فتارێ و پاشیڤێ یا پێکھاتی بیت ژ خوارنەکا ھەمەرەنگ و ھەڤسەنگ کو ھەر چوار کومێن خوارنێ بخوڤەبگریت وەکو گوشتێ سپی و سۆر، فێقی و زەرزەواتێن گەھشتی و نان و دانک، شیر و بەرھەمێن وی.
- باشترە فتارێ ب خوارنەکا سڤک دەستپێ بکەی داکو مەعیدا مرۆڤی ئامادەیا خۆ وەربگریت بۆ پێشوازیکرنێ ل خوارنێ، بۆ نموونە دشیاندایە ب خوارنا خورمێ و قەسپا یان شوربەکا گەرم، خوشاڤەکا نەجەمەد گرتی یان ئاڤەکا نەگەلەک تەزی دەستپێ بکەی دا کو زوو لەش ژێ قورتال ببیت کو نەبنە ئەگەرێ تێکچوونا کوئەندامێ ھەرسکرنێ و پەیداکرنا ئاریشەیان.
- باشترە پشتی نڤێژکرنێ دەست ب خوارنا سەرەکی بکەی و باشترە جورەکێ بتنێ خوارنا سەرەکی بیت دناڤ سفرا خوارنێ دا.
- باشترە رۆژانە شوربەکا گەرم بھێتە خوارن و ئەوژی جورەکێ سەرەکیێ خوارنێ بیت.
- دیسان باشترە تو رۆژانە زەلاتێ بخوی.
- نابیت حەفتیێ پتر ژ دو جاران خوارنێن قەلاندی بخوی.
- خۆ ژ خوارنێن ب چەوری و پری روین دوور بکە.
- گەلەک خوارنێ ل دەمێ فتارێ نەخۆ، ژبەرکو ئەو دبیتە ئەگەرێ وەستیانا لەشی و باوەشکێن مرۆزی زێدەدبن و خوین کێم دگەھیتە زەڤلەکێن لەشی دگەل سەرێ مرۆڤی و مرۆڤ ھەست ب گێژبوونێ دکەت.
- پێدڤی یە خوارنا خۆ باش بجووی و ب لەز خوارنێ نەخۆ داکو چ ئاریشەیێن ھەرسکرنێ بۆ تە پەیدانەبن.
- یا ژ ھەمیێ باشتر ئەوە ئاڤێ و شلەمەنیان دگەل خوارنێ کێم بکەی و باشترە دناڤبەرا فتارێ و پاشیڤێ دا دەم بۆ دەمی ب کێماتی ڤەخوین.
- چ جاران بەقلاوێ و شریناھیان پشتی فتارێ نەخۆ، بەلکو یا باشتر ئەوە ل شوونا وان فێقی بھێتە خوارن.
- ھندەک ھەنە ھەر ژ فتارێ و ھەتا دبیتە دەمێ پاشیڤێ بەردەوام خوارنێ دخون، ئەڤە رەفتارەکا خەلەتە و باشترە خۆ ژێ دوور بکەین.
- رێڤەچوونا پشتی فتارێ دێ ھاریکاریا لەشی کەت بۆ ھەرسکرنا خوارنێ و چالاککرنا لەشی و خولا خوینێ و دێ بیتە رێگر کو مرۆڤ ژ قەبزبوونێ بھێتە پاراستن.
ھندەک شیرەتێن گرنگ ل دور پاشیڤێ:
- پاشیڤ تەڤاکەرا فتارێ یە بۆ دابینکرنا پێدڤیێن لەشی ژ خوارن و ڤەخوارنێ.
- باشترە پاشیڤ بھێتە گیروکرن داکو لەشی شیان ھەبن ب رۆژێ مفای ژێ وەربگریت و ھێزا پێدڤی بۆ لەشی دابین ببیت.
- باشترە خوارنا پلشیڤێ یا پێکھاتی بیت ژ: پتات، نان، بەرھەمێن سپییاتی و شرینیێن سڤک بۆ ھەرسکرنێ.
- دێ گەلەک باش بیت خۆ ژ خوارنێن سویر وەکو مخللە و پەنیرێن خوێکری و زەیتوونا ب پارێزی.
- ژبەرکو رێژەیەکا زور ژ ئاڤێ دناڤ فێقی و زەرزەواتی دا ھەیە گەلەک باشە مرۆڤ بخوت.
- باشترە ئێکسەر پشتی پاشیڤێ نەنڤی و دەلیڤێ بدەیە لەشێ خۆ بۆ ھەرسکرنا خوارنێ.
- ب چ رەنگەکی گوشتی و ماسیان نەخۆ ژبەرکو ب خوارنا وان دێ ھەست ب تێھنی بوونێ کەی.
