بۆ سەرکەفتنا سیێ ل دیڤ ئێک دێ یاریێ کەت
ئەڤرۆ نیوز، ھەژار مەعروف:
بریارە سوباھی سێ یاری ژ ھەڤرکیێن خولا فاستلینک کوردستانێ بھێنەکرن ژ چارچوڤێ یاریێن گەرا دوێ ژ کوما ئێکێ ھەلگرا ناسناڤێ ھەر سێ وەرزێن بوری تیما زێرەڤانی ئەوا ل دو یاریێن بوری شیای دو سەرکەفتنا ل دیڤ ئێک توماربکەت دێ بیتە مێڤانا شێروانە د یاریەکا ب ھێزدا .
تیما زێرەڤانی ئەوا ل دەستپێکا ڤی وەرزی توشی چەند ئەنجامێن لاواز بووی پشتی گوھورینا راھێنەری و ھاتنا راھێنەرێ نوو تیما زێرەڤانی ب سەرپەرشتیا غەزوان محەمەد شیا دو سەرکەفتنا ل دیڤ ئێک توماربکەت و د یاریا سوباھی دا زێرەڤانی دێ بزاڤێ کەت سەرکەفتنا سیێ ل دیڤ ئێک داکو بەردەوامی ب دەتە ھەڤرکیا دەربازبوونا چار گوشا زێرین بەرامبەر تیما شێروانە دێ ھەمی بزاڤا کەت سێ خالێن یاریێ ب دەستخوڤە بینت داکو خوە ژ مەترسیا پاشڤەزفرینی دوربێخیت .
ژلایەکێ دیڤە ل یاریگەھا پیرمام تیما ئارارات دێ مێڤانداریا یانا کەرکوک کەت و سەرکەفتی ڤێ یاریێ دێ ھیڤێن خوە گەھشت کەت بۆ ھەڤرکیا چار گوشا زێرین بەرامبەر ھەر ئەنجامەکێ نە چاڤەرێکری بۆ ھەر تیمەکێ دێ ھەتا رادەکی ژ ھەڤرکیێ دورکەڤن و سەر کێشا کوما ئێکێ تیما ھەولێر دێ ل یاریگەھا خوە یا ئێکێ مێڤانداریا ھندرین کەت کو دڤێ یاریێ دا ھەولێر دێ پشت بەستنێ ل سەر زوربەیا یاریکەرێن تیما خولا عیراقێ کەت ئەوێن دوھی پشکداری د یاریا بەرامبەر سیناعە دا کری ژ یاریێن خولا عیراقێ
