بۆ وەرزێ چارێ ھەڤبەستا راھێنەرێ خوە ئیمزاکر
ئەڤرۆ نیوز،ھەژار مەعروف:
دەستەیا کارگێریا یانا نەفت بۆ وەرزێ چارێ ل دیڤ ئێک ھەڤبەستا راھێنەرێ خوە یێ بەرنیاس حەسەن ئەحمەد نووکر پشتی ئەوان ئەنجامێن سەرکەفتی ل ھەر سێ سالێن بوری ل گەل یانا نەفت پێشکێشکری .
رێڤەبەرێ یانا نەفت مشتاق کازم د داخویانیەکێ دا بۆ ئەڤرۆ نیوز دیارکر بۆ وەرزێ چارێ ل دیڤ ئێک دێ راھێنەر حەسەن ئەحمەد ل گەل ئەوان یێ بەردەوام بیت ئەڤرۆ ب فەرمی ھەڤبەستا خوە ل گەل کارگێریا یانێ نووکر بۆ وەرزەکێ دی ھەر چەندە چەندین یانێن بەرنیاس ل عیراقێ داخوازیا ئیمزاکرنا راھێنەرێ ئەوان کر بوو ھەردیسان ب کوژمەکێ مەزنتر ژ یێ یانا ئەوان لێ ناڤبری وەفاداریا خوە بۆ یانێ دیارکر و ھەڤبەستا خوە درێژکر بوو وەرزێ چارێ .
ھەژی گوتنێ یە حەسەن ئەحمەد ل سێ سالێن بوری شیا باشترین دەستکەفتی بۆ یانا نەفت ب دەستخوڤە توماربکەت کو ل وەرزێ ٢٠١٥-٢٠١٦ شیا رێزا پێنجێ ب دەستخوڤە توماربکەت و ل وەرزێ ٢٠١٦-٢٠١٧ رێزا دوێ کێمتر چار خالان ژ قارەمانا خولێ و ل وەرزێ ئەڤ سالە ل رێزا سیێ کێمتر گولان ژ خودانا رێزا دوێ و چار خالان ژ سەرکێشا خولێ .
