بۆ ڤێ هەیڤێ گوهرین کەفتە د بها و بەرنامێ کارکرنا موەلیدێ دا

ئەڤرۆنیوز، مەحمود نهێلی :

بەرپرسێ لژنەیا موەلیدەیان ل قەزا ئامێدیێ بۆ ئەڤرۆ نیوز دیارکر، کو بهایێ کارەبا موەلیدەیا بۆ هەر ئەمپیرەکی ل سەرانسەرێ قەزائامێدیێ گورانکاری کەفتە تێدا و ل هند جهان بووینە 7 هزار دینار.

ئەندازیار هەکار ئامێدی بەرپرسێ لژنەیا موەلیدەیان ل قەزا ئامێدیێ بۆ ئەڤرۆ نيوز دیار کر، د کومبوونا لژنەیا موەلیدەیان دا ل دهوکی بریار هاتە دان بۆ هەیڤا 10 یا ئەڤ سالە بۆ هەر ئەمپیرەکی کارەبا موەلیدەیان ل هەموو قەزا ئامێدیێ دناڤبەرا 7 بو 8 هزار دینارا دابن ، وگوت ؛ دێرەلوک 7000 دینارن و ل چەمانکێ و ئـامێدیێ و کانیا مالا 7250 دینارن و سەرسنکێ و بامەرنێ و قەدشێ 7500 دینارن شێلادزێ و کانی ماسێ 8000 و ل دویڤ بریارا قایمقامێ قەزا ئـامێدیێ بەرنامێ کارکرنا موەلیدێ ژی بو هەیڤا یازدە  دێ دەمژمێر حەفتێ سپێدێ دەسپێکەت بو دوویێ شەڤێ هەردەمەکێ کارەبا نیشتیمانی هاتە برین دێ موەلیدە د کاری دا بیت.

کۆمێنتا تە