بیره‌وه‌ریا كوشتارا گوندێ كوچو هاته ساخكرن
ئه‌ڤرۆ نیوز، ئه‌كره‌م ئیبراهیم
ئه‌ڤرو ئیڤارى بنگه‌هێ لالش یێ ره‌وشه‌نبیرى و كومه‌لایه‌تى ب چاڤدریا به‌رێز فه‌رهاد ئه‌مین ئه‌تروشى پارێزگه‌رێ دهوكێ و ب ئاماده‌بونا هژماره‌كا به‌رپرسێن حزبى و حكومى و له‌شكرى و زانایێن ئاینێ ئیسلامێ و ئێزدى و مه‌سیحی سالڤه‌گه‌را كاره‌ساتا گوندێ كوچو ل ده‌ڤه‌را شنگارێ ساخكر , تێدا به‌راهیێ شێخ شامو به‌رپرسێ بنگه‌هێ لالش یێ ره‌وشه‌نبیرى و كومه‌لایه‌تى دپه‌یڤه‌كێ دا بخێرهاتنا هه‌مى لایه‌كێ به‌رهه‌ڤبویێ ساخكرنا ڤێ بیره‌وه‌ریا دلته‌زین كر و دیار كر كو دوژمنا ژبه‌ر كوردایه‌تیا ئێزدیان و ئولا وان ب درێژاهیا دیروكێ بزاڤ كریه ژناڤ ببه‌ن و دیار كر هه‌كه ئه‌ڤه چه‌ند ساله ئێزدیا ده‌نگێ خو دابا عه‌ره‌با ئه‌ڤه ب سه‌رێ ئێزدیا نه‌دهات و دیار كر كو چیایی شنگارێ و شیایێ شرینێ هه‌ڤال جێمكن و ج جار ژێك جودا نابن و ئێزدى دێ هه‌ر مینن كوردێن ره‌سه‌ن
هه‌روه‌سا دپه‌یڤا خودا سوپاسیا سه‌ركردایه‌تیا سیاسى یا كوردستانێ و جه‌نابێ سه‌روك بارزانى كر بو وێ پشته‌ڤانیا مه‌زن و به‌رده‌وام ل كوردێن ئێزدى دكه‌ت هه‌روه‌سا ئاماژه كره پیلانێن دوژمنێن ملله‌تێ كورد یێن هندێ كو كوردێن ئێزدى ژ بزاڤا سیاسى یا كوردایه‌تى دابرن هه‌روه‌سا سوپاسیا پارێزگه‌رێ دهوكێ و خه‌لكێ پارێزگه‌هێ كر بو وێ هاریكارى و پشته‌ڤانیا ل ئاوارێن كوردێن ئێزدى كرى و ب باشترین ره‌نگ خزمه‌تا ڤان ئاوارا هاته كرن و نه‌هیلان پێدڤى ب ج تشتێت ژیانێ ببن ,
دیڤدا پارێزگه‌رێ دهوكێ به‌رێز فه‌رهاد ئه‌مین ئه‌تروشى چاڤدێرێ ساخكرنا ڤێ بیره‌وه‌ریێ دیه‌ڤیه‌كێ دا بناڤێ كارگێریا پارێزگه‌ها دهوكێ بخێرهاتنا هه‌مى به‌رهه‌ڤبویان كر و ده‌ست خوشى رێكخه‌رێن ساخكرناڤێ بیره‌وه‌ره‌یێ كر , و ئاماژه كره بزاڤێن مه‌زن یێن سه‌روك بارزانى كرین بیخه‌مه‌ت رێك گرتنێ ل ڤێ كاره‌ساتا گوندێ كوچو ,گ
دیسان گوت : باشترین به‌رسڤ بو هه‌مى دوژمنێن ملله‌تێ كورد و رێكخراوا تیرورستى یا داعش ئێك رێزى و ئێك ده‌نگیا ملله‌تێ كورده و پێدڤیه ئه‌ف ئێك رێزیا وكه هه‌ى بهێته پاراستن داكو چ دوژمن ده‌لیڤێ نه‌بینن بو تێك دانا ده‌ستكه‌فتیێن خه‌لكێ كوردستانێ و پێكڤه ژیانا هه‌مى ئول و نه‌ته‌وا ل كوردستانێ كه‌له‌مه‌كه دچاڤێت دوژمنێت خه‌لكێ كوردستانێ له‌وما پێدڤى هه‌مى لایه‌ك بزاڤێ بكه‌ن نه‌هێلن ئه‌ف ئێك رێزیه بهێته تێكدان
ل دیماهیێ پارێزگه‌رێ دهوكێ سوز دا پشتى رزگار كرنا شنگارێ پشكه‌كا باش ژ بودجا پارێزگه‌ها دهوكێ بو ئاڤاكرنا شنگارێ بهێته مه‌زاختن و گوت : دڤێت خو بو پیلانێن دوژمنا نه چه‌مینین و هاریكار و پشته‌ڤانێن سه‌ركردایه‌تیا خو یا سیاسى و بزاڤێن سه‌روك بارزانى بین بو رزگا كرنا هه‌مى ده‌ڤه‌رێن كوردستانێ و ڤه‌گه‌راندنا وان بو سه‌ربین و نه‌خشێ هه‌رێما كوردستانێ و دیار كر كو پلانه‌كا باش بو رزگار كرنا شنگارێ هه‌یه و ب ئانه‌هیا خودێ مه‌زن ب نێزیكترین ده‌م دێ هێته رزگار كرن و خه‌لك جاره‌كا دى زڤریته ڤه سه‌ر مال و حالێن خو و هه‌مى زیان ڤێكه‌فتى هێنه قه‌ره‌بو كرن
هه‌روه‌سا دساخكرنا ڤێ بیره‌وه‌ریێ دا په‌یڤا به‌رپرسێ لقێ شنگارێ یێ پارتى دیموكراتى كوردستان هاته پێشكێشكرن ژلایێ به‌رێز وخحید باكوزى به‌رپرسێ لقا شنگار یا پارتى ڤه
دیڤدا چه‌ندین بزاڤ و چالاكیێن دى یێن هونه‌رێ و سمینارو نمایش كرنا چه‌ند دیمه‌منێن كاره‌ساتا گوندێ كوچو هاتیێن ڤى گوندى و سه‌رهاتنه پێش كێش كرن
هه‌ژى گوتنێ یه ل روژا 15- 8 2014 رێكخراوا تیرورستى یا داعش دكریاره‌كا هوڤانه دا زێده‌تر ژ 400 زه‌لامێن كوندێ كوچو یێن ژیێ وان ژ 18 سالیێ و پێهه‌ل تیرو كرن و دگورێن بكوم دا بن ئاخ كرن و هژماره‌كا كه‌سا ژبن كه‌له‌خا رزگار بون و چیرووكا درنده ترین كریارێن هوڤانه‌یێن ڤێ رێكخراوا تیروستى یا داعش ڤه‌گیرا .