بێهنا هەمبێزەکێ
ڕۆژا مزووری
ئەرێ ئەڤرۆ تە دگەل من دئاخفت؟
تە ب سروشتی گازی من دکر؟
تە دزانی ئەز یا ل وێرێ؟
دەنگێ پێلان، بایێ فێنک،
دارێن بهێز، بالندەیێن سترانبێژ،
و گولێن بەژن بلند
ئەز چووم دا سروشتی هەمبێزبکەم،
لێ بێهنا تە ژ هەمبێزا وان دهات!
بایی وێنێ تە دکێشا،
گولان تو ڕەنگ دکری،
و ڕۆژێ ژبەر غەریبییا تە
ئەز دسۆتم!
من ل سیبەرەکێ دگەڕییا،
لێ من سیتافکا تە دیت
ل سەر هەر بەلگەکی
هیڤییەکا مە هەبوو.
د چاڤێن من دا ژیانەکا دی هەبوو،
ڕزگاربوون ڕزگاربوون!
لێ دەنگێ تە
د گازییا ڕزگاربوونا من دا
خەندقی بوو، کپ ببوو، بەرزە ببوو.
تو دناڤ هەر تشتەکی دا هەبوویی،
و من تو ل چ جھان نە دیتی!
لێ تو سروشتێ پاک بوویی
سیبەرا ئارامییێ
و وەڵاتێ هیڤی یێن من.
