بێژه‌ره‌كا عيراقى ئێكسه‌ر لسه‌ر شاشا ته‌له‌ڤزيۆنێ داخوازا هه‌ڤژينيێ ژ عه‌بدوللا بلخێر دكه‌ت
ئه‌ڤرۆنيوز:
بێژه‌را عيراقى، عه‌ليا شمه‌رى د به‌رنامێ (اصداء العالم) ل سه‌ر شاشا كه‌نالێ MBC داخوازا پێكئينانا ژيانا هه‌ڤژينيێ ژ سترانبێژ عه‌بدوللا بلخێر دكه‌ت.
وێ بێژه‌رێ دوى به‌رنامێ ئێكسه‌ر دا گۆت ( عه‌بدوللا .. دێ ژيانا هه‌ڤژينيێ ل گه‌ل من پێكئينى؟) .. د ئه‌نجامدا ئه‌و سترانبێژێ كه‌نداڤى كه‌فته دحاله‌ته‌كا مه‌نده‌هوشيێ دا ژبه‌ر وێره‌كيا وێ بێژه‌را عيراقى ونه‌زانى چاوان ره‌فتارێ بكه‌ت وتنێ گرنژى وپرسيار كر كا ئه‌و د حاله‌تا ئێكسه‌ر دا نه ل به‌رنامه‌ى .. يان بوويه ناڤبره‌كا ريكلامان.. به‌لێ بێژه‌رێ بۆ وى دووپاتكر كو ئه‌و يێ دبه‌رنامه‌ى دا و ئێكسه‌ره.
عه‌بدولا بلخێر بۆ ڤه‌شارتنا مه‌نده‌هوشيا خوه گۆته وێ، من گوستێلا ده‌زگرتنێ ل گه‌ل خوه نه‌ئينايه، به‌لێ جاره‌كادى وێ داخوازا خوه دووباره‌كر ڤه وگۆت ( ئه‌ڤه ئاسايى يه وئه‌م نوكه يێن ل سالا 2018 ێ).