بێ نێیمار ھێزا بەرشەلونا دیاربوو !
ئەڤرۆ نیوز:
د یاریا بەرشەلونە ل گەل دیبورتیڤو لاکیرونا ژ حەفتیا ١٥ ژ خولا ئسپانیا ئەوا ب وەکھەڤی ب دو گۆلان ب دووماھی ھاتی، دیاربوو د ڤێ یاریێ دا نە پشکداریا ستێرا بەرازیلی نێیمار دا سێلڤا چەند کارتێکرنا خوە ھەیە ل سەر تیمێ پشتی د ڤێ یاریێ دا پشکداری نەکری.
ل وەرزێ بوری ستێرا بەرازیلی نێیماری چو گرنگیا خوە نەبوو پشکداریێ بکەت یان نە د یاریان دا لێ ل ڤی وەرزی ڤی یاریکەری سەنگ و ھەبوونا خوە دیارکریە و بویە دلێ ڤێ یانێ سەرەرای پشکداری یان نە پشکداریا ستێرا ئەرژەنتینی لیونێل مێسی.
د یاریا بەرامبەر دیبورتیڤو دا بەرشەلونە شیا ب رێکا ھەردو یاریکەرێن خوە لیونێل مێسی و راکیتیچ پێش بکەیڤت و ب ئامادەبوونا ستێرا ئوروگوایانی لویس سوارێزی د نیڤا ئێکێ دا لێ ئەو تیم نە ھاتە پێش وەک یاریێن بوریەمێ ب ساناھی سەرکەفتن و و گۆل توماردکرن ل سەر ھەمی تیمان تایبەت وەک یاریا بەرامبەر ریال مەدرید لێ ئەڤ یاریە بێ نێیمار چو تاما خوە نەبوو ژ بەرکو ئەڤ یاریکەرە ھونەرەکێ جوان یێ یاریاتەپا پێ پێشکێش دکەت ل گەل یانا بەرشەلونە ل ڤی وەرزی.
ھوسا دیاردبیت کو یانا بەرشەلونە نەشێت دەسا ژ نێیماری بەردەت سەرەرای گەفێن بابێ ڤی یاریکەری دژی حکومەتا ئسپانیا سەرا باجا ل سەر ڤی یاریکەری سەپاند، بەروڤاژی کو یانا بەرشەلونە د شێت دەستا ژ لویس سوارێزی بەردەت ژ بەرکو چو کارتێکرنا خوە نینە لێ نێیاری شیانێن ھێرشبەری و ھونەری و ھێزا لەشی یا باش ھەیە کو دێ قەرەبویا نە پشکدارایا وی کەت.