بەرامبەر ٩٠ ملیون یورۆیا ریال دێ دەستا ژ ستێرەکا خوە بەردەت
ئەڤرۆ:
راپورتێن رۆژنامەڤانی ل ئیسپانیا ئاشکراکری نە یانا ریال مەدرید دیارکریە ھەر یانەکا حەزا کرینا ھێرشبەرێ وێ یێ گەنج و ھەلبژارتیێ ئیسپانیا ئەلڤارو مورتای ھەبیت پێدڤی یە کوژمێ ٩٠ ملیون یورۆیا پێشکێشی یانا مەلکی بکەت .
ئەوان رۆژنامەیێن ئیسپانی دیارکریە ژی یانا ریال مەدرید گەلەک بزاڤکرن بۆ رازیکرنا یاریزانێ خوە مورتای بمینتە ل گەل پێکھاتیێ یانا ریال مەدرید بۆ وەرزێ بھێت لێ یانا نەشیا یاریزانی رازیبکەت و یاریزانی بۆ بەرپرسێن یانا مەلەکی دیارکریە ئەو داخوازیت بچیتە یانەکا دی وەکو یاریزانەکێ سەرەکی یاری بکەت و ناخوازیت وەکو یاریزانەکێ یەدەگ بیت سالێ ھەمی.
مالپەرێ سکای سپورتس دیارکریە ھەر ئێک ژ یانێن یوڤانتوس و مانچستەر یوناید ھەڤرکیەکا دژوار ل گەل ئێک کەن بۆ دەستڤە ئینانا ئەڤی یاریزانی ل قوناغێن دووماھیێ دا نە لێ ل دویڤ گوتنا وی مالپەری یانا مانچستەر ل سەر ھەمی خالێن یانا ریال مەدرید رازیبوویە بۆ ڤەگوھاستنا مورتای بتنێ مایە ھەڤبەست ب فەرمی بھێتە راگەھاندن و مورتای ژی حەزا چوونێ بۆ یانا مانچستەر یوناید ھەیە.
