بەرامبەر کوژمەکێ پارەی یێ کێم دێ دەستا ژ یاریزانەکێ خوە یێ سەرەکی بەردەت
ئەڤرۆ نیوز:
یانا بایرن میونیخ یا ئەلمانی دەرگەھێ چوونێ بۆ بەرەڤانێ خوە یێ نیڤدەولەتی جیروم بواتینگ ڤەکر بەرامبەر کوژمەکێ کێم یێ پارەی پشتی راھێنەرێ وێ یانێ بەرپرسێن وێ یانێ ئاگادارکرین د پلانا ئەوی دا نینە بۆ وه‌رزێ نوو پشت بەستنێ ل سەر ئەوی یاریزانی بکەت.
رۆژناما بلێد یا ئەلمانی دیارکریە یانا بایرن میونیخ یاریزانێ خوە بواتینگ ئاگادارکریە دەرگەھێ چوونێ بۆ ئەوی یێ ڤەکریە ھەکە پەیوەندی ب یانەکا دی بکەت بەرامبەر کوژمێ ١٥ ملیون یورۆیا وەکو بھایێ ھەلوەشاندنا ھەڤبەستا ئەوی .
ھەژی گوتنێ یە بواتینگ یێ ٣٠ سالی ژ سالا ٢٠١١ وەرە یاری ل یانا بایرن میونیخ دکەت و د وێ ماوی دا شیایە ٢٨٦ یاریان ل گەل وێ یانێ بکەت کو ل وەرزێ بوری ژی ئێک ژ یاریزانێن سەرەکی یێ بوو پشکداری د ٢٨ یاریان دا کریە ھەردیسان ٧٦ یاریێن نیڤدەولەتی ل گەل ھەلبژارتیێ ئەلمانیا ژی ھەنە .
