بەردەرەش: کەسەک هاتە کوشتن
ئەڤرۆ نیوز، زنار تۆڤی:
ل سەر ئاریشەکا کەڤن، ئەڤرۆ ل قەزا بەردەرەش کەسەکێ ٥٥ سالی هاتە کوشتن.
هێمن سلێمان پەیڤدارێ پۆلیسێن پارێزگەها دهۆکێ بۆ ئەڤرۆ نیوز دیار کر: ل دەمژمێر حەفتی ئێڤاریا ئەڤرۆ شەمبیێ، ١١ تیرمەها ٢٠٢٠ ل سەر ئاریشەکا کەڤن ل چاریانا خێلەکی یا قەزا بەردەرەش کەسەک هاتە کوشتن.
هەروەسا گۆتیە: ئەو کەسێ هاتیە کوشتن، زەلامەکێ ٥٥ سالی بناڤێ ( س، ن، س) بوویە، ئاکنجیێ کەمپا ماملیانە ل ناحیا گردەسین، پاشی تەرمێ وی بۆ نۆشداریا داد ل قەزا ئاکرێ هاتیە ڤەگۆهاستن.
ناڤهاتی گۆت ژی: ب بریارا دادوەری پەرێن ڤەکۆلینێ ژ ئالیێ بنگەهێ پولیسێن بەردەرەش ڤە هاتیە ڤەکرن و فەرمانا دەستەسەرکرنێ ژی لدووڤ بەندێ ٤۰٦ ژ قانوونا سـزادانێ بۆ تۆمەتباران دەرچوویە.
