بەرشەلۆنا بتنێ ئێک دەلیڤە ھەیە بۆ دەستڤە ئینانا نیماری
ئەڤرۆ نیوز:
یانا پاریس سانجێرمان رێک بەرامبەر یانا بەرشەلۆنا ب زەحمەت ئێخستن بۆ دەستڤە ئینانا ستێرا وێ یا بەرازیلی نیماری پشتی یانا پاریس بھایێ ھەلوەشاندنا وی یاریزانێ خوە دیارکری کو ب مەرجەکی ئەو دێ دەستا ژ نیماری بەردەن ئەوژی بەرامبەر ٢٢٢ ملیون یورۆیا کو ھەمان کوژمێ پارەیە ئەوێ بەری دو سالان ئەوێ یانا فرەنسی پێشکێشی بەرشەلۆنا کری ل دەمێ نیماری پەیوەندی ب پاریس کری.
راپورتێن رۆژنامەڤانی ل ئیسپانیا دیارکرینە یانا بەرشەلۆنا پلانەک ھەبوو بۆ دەستڤە ئینانا نیماری ئەوژی ئێک ژ یاریزانێن خوە کوتینیو یان عوسمان دیمبلی ب گوھورن ل گەل نیماری ل گەل کوژمەکێ پارەی یێ کێم لێ یانا پاریس ئەو چەندە رەتکریە ژبەرکو راھێنەرێ وێ یانێ بەرپرسێن یانا پاریس ئاگاداکرینە ئەوی پێدڤی ب جھێ ئەوان ھەردو یاریزانان نینە ل ڤی دەمی و ئەو دخوازیت ھەڤبەستێ ل گەل یاریزانەکێ ھێلا ناڤین یێ بەرەڤانیێ ئیمزا بکەت کو یاریزانێ یانا ریال مەدرید و ھەلبژارتیێ بەرازیل کاسمێرو نوکە ئارمانجا سەرەکی یا وێ یانێ یە ھەڤبەستێ ل گەل ئیمزا بکەن.
زێدەتر ئەوان رۆژنامەیێن ئیسپانی دیارکریە ژی بتنێ ئێک رێک ل بەر دەستی بەرشەلۆنا مایە بۆ دەستڤە ئینانا نیماری ئەوژی ستێرا خوە یا ھێلا ناڤین راکیتچ پێشکێشی پاریس بکەن ل گەل کوژمەکێ پارەی لێ ھەکو ئەو چەندە ژی یانا بەرشەلۆنا کر دبیت پاریس کوژمەکێ پارەیی یێ مەزن داخواز بکەت کو کێمتر نەبیت ژ ١٠٠ ملیون یورۆیا و ل گەل راکیتیچی ژی .