بەرشەلۆنا بریارا فروتنا ڤی ستێرا خوە دا و ڤی کوژمێ پارەی دەتە کرینا کرێزمان
ئەڤرۆ نیوز:
یانا بەرشەلۆنا ب فەرمی بریار دایە بۆ وەرزێ بھێت ستێرا خوە یا بەرازیلی ڤلیپ کوتینھو بفروشن و ل جھێ ئەوی ھەڤبەستێ ل گەل یاریزانەکێ دی ئیمزا بکەن.
رۆژناما سپورت یا کەتەلونی کو ئێک ژ رۆژنامەیێن نێزیکی وێ یانێ یە دیارکریە پشتی ب دووماھیی ھاتنا وەرزێ ئەڤ سالە و پشتی دووماھیا کاسا شاھێ ئیسپانیا یانا بەرشەلۆنا دێ فروتنا یاریزانێ خوە یێ بەرازیلی کوتینھو راگەھینت کو نوکە چەند داخوازی ل بەر دەستێ وێ یانێ نە ژلایێ یانێن مەزن ل ئورۆپا تایبەت یانێن ئنگلیزی .
ھەردیسان وێ رۆژنامێ ئاشکراکریە ژی کارگێریا بەرشەلۆنا بھایێ فروتنا کوتینھوی ژی ئاشکراکریە کو ھەر یانەکا حەزا دەستڤە ئینانا ئەوی ھەبیت پێدڤی یە ١٠٥ ملیون یورۆیا پێشکێشی وێ یانێ بکەت و ب وی کوژمێ پارەی دێ پارەکێ زێدەتر ژی دانە سەر بوو کرنا ستێرا فرەنسی و یانا ئەتلەتیکو مەدرید ئەنتونیو کرێزمان ل دیڤ گوتنا وێ رۆژنامێ بەرشەلۆنا بەرھەڤیا خوە دیارکریە کوژمێ ١٣٠ ملیون یورۆیا پێشکێشی ئەتلەتیکو مەدرید بکەت کو ئەو بھایێ ھەلوەشاندنا ھەڤبەستا ئەوی یاریزانی یە ل یانا ئەوی.
