بەرشەلۆنا ستێرکا خوە ل دو یاریزانێن ئەشیبلیا گرتی یە
ئەڤرۆ نيوز:
یانا بەرشەلۆنا ھەلگرا ناسناڤ و کاسا ئیسپانیا یا وەرزێ ئەڤ سالە دخوازیت ل ڤەگوھاستنێن ئەڤ سالە ھژمارەکا یاریزانێن خودان شیان ل خوە کومبکەت و یانا بەرشەلۆنا ئەڤ جارە ستێرکا خوە ل دو یاریزانێن ئەشیبلیا گرتی یە بۆ وەرزێ بھێت یاریێ ل ناڤ رێزێن پێکھاتیێ کەتەلونیا بکەن.
رۆژناما سپورت ١٠ یا کەتەلونی دیارکری یە یانا بەرشەلۆنا ٤٠ ملیون یورو بەرھەڤکری نە بۆ دەستڤە ئینانا ستێرا یانا ئەشبیلیا یێ فەرەنسی کیفێن گامپَرو کو یانا کەتەلونی ئەڤ کوژمە بەرھەڤکری یە ل سەر داخوازیا راھێنەرێ خوە لویس ئەنریکی و بەرپرسێن یانا بەرشەلۆنا دەست ب دانوستاندان کری یە ل گەل یانا ئەندلوسی کو ھێرشبەرێ ناڤبری ل وەرزێ ئەڤ سالە د ٥١ یاریێن خوە یێن سەرجەم قارەمانیا ل گەل یانا خوە شیا بوو ٢٩ گولان توماربکەت.
ژلایەکێ دیڤە رۆژنامەیێن کەتەلونی دیارکری یە راھێنەرێ یانا بەرشەلۆنا د ھەمان دەم دا بۆ بەرپرسێن یانێ دیارکری یە ئەو دخوازیت ھەڤبەستێ ل گەل یاریزانێ ھێلا ناڤین یێ پولەندی و یانا ئەشبیلیا گیرگوش کریتشوفیاک ژی ئیمزابکەن داکو ھێزەکا دی ل وەرزێ بھێت ب دەتە ھێلا ناڤین یانا کەتەلونی کو ئەڤی یاریزانی ل وەرزێ ئەڤ سالە ل گەل یانا ئەندلوسی ئێک ژ باشترین ئاستا پێشکێشکر بوو.
کیفێن گامپَرو