بەرشەلۆنا سپرایزەک بۆ سالا ٢٠١٦ یا ھەی
ئەڤرۆ نیوز:
رۆژناما مارکا یا ئیسپانی دیارکر کارگێریا یانا بەرشەلۆنا دخوازیت بۆ سالا ٢٠١٦ سپرایزەکێ بۆ حەژێکەرێن خوە دروستبکەت ئەوژی ب نووکرنا ھەڤبەستا چار باشترین یاریکەرێن تیمێ.
زێدەتر رۆژناما مارکا دیارکری یە یانا کەتەلونی یا بزاڤێ کەت ھەڤبەستا ھەر چار یاریکەرێن خوە لیونێل مێسی و نیمار، بوسکێس و لویس سوارێز نووی بکەت، یانا بەرشا بەری نوکە ژی بۆ ھەر ئێک ژ بوسکێس دیارکر بوو دێ موچەیێ وی بلند بکەن کو یاریکەرێ ناڤبری دیارکر بوو دێ رازی بیت لێ ب مەرجەکی ئەوژی موچەیێ وی دڤێت ب دەنێ ھەردیسان بۆ نیماری ژی دیارکریە دێ بیتە خودانێ بلندترین ھەڤبەست ل یانا بەرشەلۆنا پشتی یا مێسی .
ژلایەکێ دووڤە سەبارەت سوارێز ھەتا رادەکی ئەو یێ ب زحمەت نابیت ژبەرکو ئەوان دانوستاندن ل گەل ئێک کری نە گەھشتی نە رێککەفتنێ لێ بتنێ یا مێسی وەسا دھێتە زانین دێ ڤەکێشیت ھەتا ب گەھنە ئەنجامێ دووماھیێ ژبەرکو مێسی داخوازیا ھەڤبەستەکا بلند کری یە و دخوازیت بیتە خودانێ بلندترین موچە ل جیھانێ ھەر چەندە ھەڤبەستا وی یا نوکە ھەتا ٢٠١٨ ل گەل یانا کەتەلونی.