بەرشەلۆنا و پاریس و بایرن ھەڤرکیا ڤی یاریزانی دکەن
ئەڤرۆ نیوز:
ھژمارەکا یانێن بەرنیاس ل سەر ئاستێ ئورۆپا ھەڤرکیا ئێک دکەن بوو دەستڤە ئینانا یاریزانەکێ یانا لیل یا فرەنسی پشتی وی یاریزانێ ناڤبری ل وەرزێ ئەڤ سالە ئاستەکێ بلند ل گەل یانا خوە پێشکێشکری دخۆلا پلا ئێک یا فرەنسا دا .
ل دیڤ گوتنا مالپەرێ ١٠ سپورت یێ فرەنسی ھەردو یانێن پاریس سانجێرمان و بایرن میونیخ یا ھەڤرکیەکا ب ھێز ل گەل ئێک دکەن بوو دەستڤە ئینانا ستێرا ئیڤواری و یانا لیل یا فرەنسی نیکولاس پیپی .
ھەردیسان ئەوی مالپەری ئاماژە ب وێ چەندێ ژی کریە یانە بەرشەلۆنا ژی ل ماوێ بوری گرنگی ب ئەوی یاریزانی کریە و ھزر ل ئینانا ئەوی یاریزانی کریە ھەردیسان یانێن ئەنتر میلان و لیڤەرپول ژی دەست ب لڤینا کریە بۆ دەستڤە ئینانا پیپی لێ یانا ژ ھەموویان نێزیکتر یانا بایرن میونیخ و وێ یانێ بەرھەڤیا خوە دیارکریە کوژمێ ٧٠ ملیون یورۆیا پێشکێشی یانا لیل بکەت بوو دەستڤە ئینانا ئەوی یاریزانی ژبەرکو ئەو یانە گەلەک پێدڤی ب شیانێن یاریزانەکێ وەکو نیکولاس پیپی یە تایبەت پشتی ھەڤبەستا ھەردو یاریزانێن وێ رێبری و ئارین روبن ب دووماھیی ھاتی.
ھەژی گوتنێ یە نیکولاس پیپی یێ ٢٣ سالی یاریێ ل ھێلا ناڤین لایێ راستی و ھێرشبەریێ یاری کەت ل وەرزێ ئەڤ سالە ٣٥ یاری ل گەل یانا خوە کرینە دخۆلا پلا ئێک یا فرەنسا دا و شیا ٢٠ گولان توماربکەت ل گەل ١١ ئەسیست بوو ھەڤالێن خوە بەرھەڤبکەت.
https://www.youtube.com/watch?v=6b-3F0diDPU
