بەرشەلۆنا و ڕیال مەدرید كلاسیكۆیا ئەردی و شەڕێ سەركێشییێ یە
پشتەڤان و حەزژێكەرێن وەرزشی ل ئاستێ جیهانێ چاڤەڕێ دیدارەكا ئاگرین و دیرۆكی نە دناڤبەرا خودانێن ئەردی یانەیا بەرشەلۆنا و هەڤڕكا وێ یا دیرۆكی ڕیال مەدرید ژ چارچووڤەیێ یاریێن گەڕا 10ێ یا خولا ئسپانیا ئەوا دێ ل دەمژمێر 11ێ شەڤ ل كامپ نۆ هێتە كرن.
پاراستنا سەڕێ لیستێ
یانەیا بەرشەلۆنا دێ هێتە دناڤ یاریگەهێ دا وخودانا سەرێ لیستێ یە ب كۆمكرنا 27 خالان ژ نەهـ سەركەفتنێن ل دووڤئێك بێ هیچ خوسارەتی یا وەكهەڤییەكێ، ژلایێ خوەڤە ڕیال مەدرید خودانا 21 خالان، حەفت سەركەفتن هەنە و دو خوسارەتی تۆماركرینە، یانەیا كاتەلۆنی گەشبینە دناڤ ئەرد و جەماوەرێ خوە دا بەردەوامییێ بدەتە سەركەفتنان د یارییەكا دیرۆكی و پری هەڤڕكی دا، ژلایێ خوەڤە ڕیال مەدرید ب مۆرالا بلند یا سەركەفتنێن چامپیۆنزێ دێ بزاڤێ كەت كلاسیكۆیێ ب دەستخوەڤەبینیت.
چەند دیدارێن پێشتر هەبەبووینە؟
ل دووڤ پەیچێ ئۆپتا یا ئاماران، هەردو یانە 264 یاریان بەرانبەر ئێك بووینە و بڤی شێوەیی، د خولا ئسپانیا دا 192 یارییان، 80 سەركەفتن بۆ ڕیالێ، 77 بۆ بەرشەلۆنا، 35 یاری وەكهەڤی، د كۆپا شاهێ ئیسپانیا دا 38 یاری، 13 بۆ ڕیالێ، 17 بۆ بەرشەلۆنە، هەشت وەكهەڤی، د چامپیۆنز لیگ دا هەشت یاری، سێ بۆ ڕیالێ، دو بۆ بەرشەلۆنا، دو وەكهەڤی، كۆپا سۆپەرا ئسپانیا، 19 یاری، 10 بۆ ڕیالێ، حەفت بۆ بەرشەلۆنە، دو وەكهەڤی، حەفت یاریێن دی ئەوبووینە د كۆپا و خولێن جودا یێن چەلەنگینیێ و بەری خولێ، بەرشەلۆنا سێ سەركەفتن و چار وەكهەڤی هاتینە.
خالێن هێزا هەردو تیمان
یانەیا بەرشەلۆنا پێكهاتیەكێ بهێز تایبەت ل هێلا ناڤین و هێرشبەریێ هەیە، لێ ئاریشەیا هێلا بەرەڤانیێ ئەو تەپێن بلند دهێنە دەڤەرا پەنەلتیێ دا، خالێن سەركەفتنا بەرشەلۆنا ب هەبوونا ستێرێن وێ لامین یامال، ڕاڤینیا، پێدرێ، رۆدری و كۆبارسی، ژلایێ خوەڤە هێزا ڕیال مەدرید د گوهۆڕینا شێوازێ تەپێن خوە و مفا وەرگرتن ژ تەپێن بلند كو جەكێ وێ یە، لێ هێلا بەرەڤانییا وێ ژی ئاریشەیێن هەین ب شاشیێن نە چاڤەڕێ كری، لێ هێزا وێ دێ هەر مینیت ددەستێ ستێرێن وێ، بێلینگهام، مپابی، ئاردا گۆلەر و فالفێردی، فیركا دادڤانی بتنێ دێ ئەنجامێ یاریێ ئێكلاكەت.
