بەرشەلۆنا یاریزانەکێ خوە سزادا
ئەڤرۆ نیوز:
یانا بەرشەلۆنا یاریزانەکێ خوە سزادا ژبەرکو وی یاریزانی رەتکریە ھەڤبەستا خوە ل گەل یانێ درێژ بکەت پشتی وێ یانێ داخوازی ژێ کری بوو درێژکرنا ھەڤبەستا خوە وی ئەو داخوازیا بەرشەلۆنا رەتکری .
فرانسیسکو فالدیفییسو بریکارێ یاریزانێ یانا بەرشەلۆنا مونیر حەداد بۆ کەنالەکێ وەرزشی ل ئیسپانیا ئاشکراکر راھێنەرێ یانا بەرشەلۆنا ڤالفێردی ئەو ئاگادارکریە مونیر حەداد ھەتا دووماھیا ڤی وەرزی یاری ل گەل یانێ ناکەت ھەکە ئەو ھەڤبەستا خوە ل گەل یانێ درێژ نەکەت .
ھەردیسان فرانسیسکو ئاشکرا کریە ژی ئەو دێ رێزێ ل بریارا وێ یانێ و راھێنەرێ بەرشەلۆنا گرن ژبەرکو ئەو گرێدای ھەڤبەستا ئەوێ یانێ یە ھەتا دووماھیا ڤی وەرزی و بریارە ل ھاڤینا ئەڤ سالە ئەو یاریزان بیتە یاریزانەکێ سەربەست وی دەمی ئەو دێ بریارا دووماھیێ ل سەر پاشەرۆژا وی یاریزانی دەن ژبەرکو نوکە گەلەک ھەڤبەست ل بەر دەستێ ئەوی نە بۆ وەرزێ بھێت.
ھەژی گوتنێ یە مونیر حەداد ئێک ژ یاریزانێن قوتابخانەیا کەتەلونیا یە و ل سالا ٢٠١٤ وەرە ژ تیما دوێ سەرئێخستی یە تیما ئێکێ و ٥٦ یاری ل گەل وێ یانێ کرینە و شیا ١٢ گولان توماربکەت ھەردیسان دو جاران ئەو یاریزان ب شێوەیێ خواستن دایە یانێن ڤالنسیا و ئەلاڤێس کو ل گەل یانا ڤالنیسیا ل وەرزێ ٢٠١٦-٢٠١٧ شیابوو ٣٣ یاریان بكه ت و حەفت گولان توماربکەت و ل وەرزێ بوری ٢٠١٧-٢٠١٨ یاری ل یانا ئەلاڤێس کر ل گەل وێ یانێ ٣٧ یاریا شیابوو ١٤ گولان توماربکەت.
